![കെ-റെയിൽ: ഭൂമി ഏറ്റെടുക്കാൻ കിഫ്ബിയിൽനിന്ന് 2000 കോടി രൂപ കെ-റെയിൽ: ഭൂമി ഏറ്റെടുക്കാൻ കിഫ്ബിയിൽനിന്ന് 2000 കോടി രൂപ](https://www.madhyamam.com/h-upload/2022/01/27/1392658-krail.webp)
കെ-റെയിൽ: ഭൂമി ഏറ്റെടുക്കാൻ കിഫ്ബിയിൽനിന്ന് 2000 കോടി രൂപ
text_fieldsതിരുവനന്തപുരം: കെ-റെയിൽ പദ്ധതിക്കായി ഭൂമി ഏറ്റെടുക്കുന്നതിന് ആദ്യ ഘട്ടമായി കിഫ്ബിയിൽനിന്ന് 2000 കോടി രൂപ അനുവദിക്കുമെന്ന് ബജറ്റിൽ ധനമന്ത്രി കെ.എൻ. ബാലഗോപാൽ അറിയിച്ചു. 63,941 കോടി രൂപ ചെലവഴിച്ച് സംസ്ഥാന - കേന്ദ്ര സർക്കാറുകളുടെ സഹകരണത്തോടെയാണ് പദ്ധതി നടപ്പാക്കുന്നത്.
തിരുവനന്തപുരം മുതൽ കാസർകോട് വരെ 529.45 കിലോമീറ്റർ ദൂരമാണ് പാതക്ക് ഉണ്ടാവുക. ഇത്രയും ദൂരം നാല് മണിക്കൂർ കൊണ്ട് സഞ്ചരിക്കാനാകും.
കെ-റെയിലിന്റെ പ്രാരംഭ പ്രവർത്തനങ്ങൾ നടന്നുവരികയാണ്. സംസ്ഥാനത്തിന്റെ വികസനത്തിൽ വലിയ കുതിച്ചുചാട്ടമുണ്ടാക്കുന്ന പദ്ധതിക്ക് കേന്ദ്ര സർക്കാർ എത്രയും പെട്ടെന്ന് അനുമതി നൽകുമെന്നാണ് പ്രതീക്ഷ.
ഇന്ന് നിലവിലുള്ള ഏറ്റവും പരിസ്ഥിതി സൗഹാർദ യാത്രാ മാർഗമാണ് ഇലക്ട്രിക് ട്രെയിനെന്നും മന്ത്രി പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.