ഉപസംഹാരത്തിൽ ധനമന്ത്രിയുടെ ആഹ്വാനം; ഒറ്റക്കെട്ടായി മു​ന്നേറണം​

തി​രു​വ​ന​ന്ത​പു​രം: കേ​ന്ദ്ര വി​ഹി​തം വെ​ട്ടി​ക്കു​റ​ക്കു​ക​യും സം​സ്​​ഥാ​നം സാ​മ്പ​ത്തി​ക ഞെ​രു​ക്ക​ത്തി​ലേ​ക്ക്​ നീ​ങ്ങു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ അ​തി​ജീ​വ​ന​ത്തി​ന്​ ​ ഒ​റ്റ​ക്കെ​ട്ടാ​യു​ള്ള മു​​ന്നേ​റ്റ​ത്തി​ന്​ ആ​ഹ്വാ​നം ചെ​യ്ത്​ ധ​ന​മ​ന്ത്രി ​കെ.​എ​ൻ. ബാ​ല​ഗോ​പാ​ൽ. ബ​ജ​റ്റ്​ പ്ര​സം​ഗ​ത്തി​​ന്‍റെ അ​വ​സാ​ന​ത്തി​ൽ കേ​ന്ദ്ര​ത്തി​ന്‍റെ ന​ട​പ​ടി​ക​ൾ അ​ക്ക​മി​ട്ട്​ വി​ശ​ദീ​ക​രി​ച്ച ശേ​ഷ​മാ​യി​രു​ന്നു ഐ​ക്യാ​ഹ്വാ​നം.

'പ​ല വി​ഷ​യ​ങ്ങ​ളി​ലും രാ​ഷ്​​ട്രീ​യ​മാ​യ ഭി​ന്നാ​ഭി​പ്രാ​യ​മു​ള്ള​വ​രാ​ണ്​ ന​മ്മ​ൾ. അ​തൊ​​ന്നും സം​സ്ഥാ​ന താ​ൽ​പ​ര്യം സം​ര​ക്ഷി​ക്കു​ന്ന​തി​ന്​ വി​ഘാ​ത​മാ​കാ​ൻ പാ​ടി​ല്ല. ഭ​ര​ണ​പ​ക്ഷ​വും പ്ര​തി​പ​ക്ഷ​വും ഉ​ൾ​പ്പെ​ടെ എ​ല്ലാ രാ​ഷ്ട്രീ​യ ക​ക്ഷി​ക​ളും സം​സ്​​ഥാ​ന​ത്തി​ന്‍റെ പൊ​തു​താ​ൽ​​പ​ര്യ​ത്തി​നാ​യി ഒ​ന്നി​ച്ചു​നി​ൽ​ക്കു​മെ​ന്നാ​ണ്​ എ​​ന്‍റെ പ്ര​തീ​ക്ഷ' -മ​​ന്ത്രി പ​റ​ഞ്ഞു.

നി​പ്പ​യും കോ​വി​ഡും പ്ര​ള​യ​വും സൃ​ഷ്​​ടി​ച്ച പ്ര​തി​സ​ന്ധി​ക​ളെ​യും അ​സാ​ധാ​ര​ണ വ​രു​മാ​ന​ന​ഷ്ട​ത്തെ​യും സു​ധീ​ര​മാ​യി നേ​രി​ടാ​ൻ ക​ഴി​ഞ്ഞു. ഒ​രു​ദി​വ​സം പോ​ലും ട്ര​ഷ​റി അ​ട​ച്ചി​ട്ടി​ല്ല. ഉ​ത്ത​ര​വാ​ദി​ത്ത​ങ്ങ​ളി​ൽ​നി​ന്ന്​ ഒ​ഴി​ഞ്ഞു​മാ​റി​യു​ള്ള ചെ​ല​വ്​ ചു​രു​ക്ക​ൽ ന​യ​മ​ല്ല, എ​ല്ലാ​വ​രെ​യും ചേ​ർ​ത്തു​പി​ടി​ക്കു​ന്ന സ​മീ​പ​ന​മാ​ണ്​ ബ​ദ​ലെ​ന്ന്​ ​തെ​ളി​യി​ച്ചെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

കേ​ന്ദ്ര വിഹിതം കു​റ​യു​ന്ന​തി​ന്​ ഇ​ങ്ങ​നെ

• ജി.​എ​സ്.​ടി ന​ഷ്ട​പ​രി​ഹാ​ര ഇ​ന​ത്തി​ൽ കേ​ര​ള​ത്തി​ന്​ ല​ഭി​ക്കേ​ണ്ട തു​ക​യി​ൽ ജൂ​ണി​ന്​ ശേ​ഷം 11,000 കോ​ടി​യു​ടെ കു​റ​വു​ണ്ടാ​കു​മെ​ന്ന് മ​ന്ത്രി ചൂ​ണ്ടി​ക്കാ​ട്ടി. ജി.​എ​സ്.​ടി ന​ഷ്ട​പ​രി​ഹാ​ര സം​വി​ധാ​നം കേ​​ന്ദ്രം അ​വ​സാ​നി​പ്പി​ക്കു​ക​യാ​ണ്.

• കേ​​​​ന്ദ്ര​ത്തി​ൽ​നി​ന്നു​ള്ള നി​കു​തി വി​ഹി​തം സം​സ്ഥാ​ന​ത്തി​ന്‍റെ റ​വ​ന്യൂ വ​രു​മാ​ന​ത്തി​ലെ പ്ര​ധാ​ന സ്രോ​ത​സാ​ണ്. ഒ​രു വ​ശ​ത്ത്​ വ​ൻ​കി​ട കോ​ർ​പ​റേ​റ്റു​​ക​ൾ​ക്ക്​ നി​കു​തി​യി​ള​വ്​ ന​ൽ​കു​​മ്പോ​ൾ മ​റു​വ​ശ​ത്ത്​ സം​സ്​​ഥാ​ന​ങ്ങ​ൾ​ക്ക്​ വീ​തി​ച്ച്​ ന​ൽ​കേ​ണ്ടാ​ത്ത സെ​സ്, സ​ർ​ചാ​ർ​ജ്​​ എ​ന്നി​വ വ​ഴി വ​ലി​യ തോ​തി​ൽ കേ​ന്ദ്രം വി​ഭ​വ സ​മാ​ഹ​ര​ണം ന​ട​ത്തു​ക​യാ​ണ്.

• 14ാം ധ​ന​കാ​ര്യ ക​മീ​ഷ​ൻ 42 ശ​ത​മാ​ന​മാ​ണ്​ സം​സ്ഥാ​ന​ത്തി​ന്​ ശു​പാ​ർ​ശ ചെ​യ്​​ത​തെ​ങ്കി​ൽ 15 ാം ക​മീ​ഷ​ൻ 41 ആ​ക്കി ചു​രു​ക്കി. ഡി​വി​സി​ബി​ൾ പൂ​ളി​ൽ​നി​ന്ന്​ പ​ത്താം ധ​ന​കാ​ര്യ ക​മീ​ഷ​ന്‍റെ സ​മ​യ​ത്ത്​ 3.875 ശ​ത​മാ​ന​മാ​യി​രു​ന്നു കേ​ര​ള​ത്തി​ന്‍റെ വി​ഹി​ത​മെ​ങ്കി​ൽ 15 ാം ക​മീ​ഷ​ന്‍റെ കാ​ല​ത്ത്​ 1.925 ശ​ത​മാ​ന​മാ​യി.