നോട്ട്​ നിരോധനത്തിന്​ ശേഷം ചെക്ക്​ബുക്കുകളും അസാധുവാക്കുന്നു

ന്യൂഡൽഹി: ​500, 1000 രൂപയുടെ നോട്ടുകൾ നിരോധിച്ചതിന്​ ശേഷം ചെക്ക്​ബുക്ക്​ ഇടപാടുകളും കേന്ദ്രസർക്കാർ നിരോധിക്കുന്നു​. ഡിജിറ്റിൽ പണമിടപാടുകൾ വർധിപ്പിക്കുന്നതിനായാണ്​ നടപടി. 

കോൺഫെഡറേഷൻ ഒാഫ്​ ആൾ ഇന്ത്യ ട്രേഡേഴ്​സിലെ മുതിർന്ന ഉദ്യോഗസ്ഥനായ പ്രവീൺ ഖണ്ഡേവാലാണ്​ ഇതുസംബന്ധിച്ച പ്രതികരണം നടത്തിയത്​. കേന്ദ്രസർക്കാർ ചെക്ക്​ബുക്ക്​ പിൻവലിക്കാനുള്ള സാധ്യതകളാണ്​ കാണുന്നതെന്ന്​ അദ്ദേഹം പി.ടി.​െഎയോട്​ പറഞ്ഞു.

കറൻസി നോട്ട്​ അച്ചടിക്കുന്നതിനായി സർക്കാർ 25,000 കോടി രൂപയാണ്​ ചെലവഴിക്കുന്നത്​. നോട്ടുകൾക്ക്​ സുരക്ഷ ഒരുക്കാനും വിവിധ സ്ഥലങ്ങളിൽ എത്തിക്കുന്നതിനുമായി 6000 കോടി രൂപ വേറെയും വേണം. ഇത്​ ഒഴിവാക്കാൻ ഡിജിറ്റൽ ഇടപാടുകൾ സഹായിക്കുമെന്നാണ്​ സർക്കാറി​​െൻറ കണക്ക്​ കൂട്ടൽ. നവംബർ എട്ടിലെ നോട്ട്​ നിരോധനത്തിന്​ ചെക്ക്​ ഇടപാടുകളിൽ വർധനയുണ്ടായിട്ടുണ്ട്​.