എതിർപ്പുകൾ തള്ളി ‘സഹകരണ’ത്തിൽ പിടിമുറുക്കി കേന്ദ്രം

പാ​ല​ക്കാ​ട്: കേ​ര​ള​മ​ട​ക്ക​മു​ള്ള, ബി.​ജെ.​പി ഇ​ത​ര സം​സ്ഥാ​നങ്ങളുടെ എ​തി​ർ​പ്പ് അ​വ​ഗ​ണി​ച്ച്, സ​ഹ​ക​ര​ണ​മേ​ഖ​ല പി​ടി​ച്ച​ട​ക്കാ​ൻ കൂ​ടു​ത​ൽ ന​ട​പ​ടി​ക​ളു​മാ​യി കേ​ന്ദ്ര​ം. ഇ​തി​നെ​തി​രെ നി​യ​മ​പ​ര​മാ​യും ജ​ന​കീ​യ​വു​മാ​യ പ്ര​തി​രോ​ധം തീ​ർ​ക്കു​മെ​ന്നാ​ണ് സ​ഹ​കാ​രി​ക​ളു​ടെ ഓ​ൺ​ലൈ​ൻ യോ​ഗം വി​ളി​ച്ചു​ചേ​ർ​ത്ത് വ​കു​പ്പു​മ​ന്ത്രി വി.​എ​ൻ. വാ​സ​വ​ൻ പ്ര​ഖ്യാ​പി​ച്ചി​രു​ന്നെ​ങ്കി​ലും നി​യ​മ​ന​ട​പ​ടി​ക​ളി​ലേ​ക്ക് ഇ​തു​വ​രെ ക​ട​ന്നി​ട്ടി​ല്ല. ദേ​ശീ​യ​ത​ല​ത്തി​ൽ മ​ൾ​ട്ടി സ്റ്റേ​റ്റ് സ​ഹ​ക​ര​ണ സം​ഘ​ങ്ങ​ൾ രൂ​പ​വ​ത്ക​രി​ച്ച്, സം​സ്ഥാ​ന​ത്തെ സ​ഹ​ക​ര​ണ സ്ഥാ​പ​ന​ങ്ങ​ളെ കേ​ന്ദ്ര​ത്തി​ന്റെ നേ​രി​ട്ടു​ള്ള നി​യ​ന്ത്ര​ണ​ത്തി​ലാ​ക്കാ​ണ് നീ​ക്കം. ഇ​തി​ന്റെ ഭാ​ഗ​മാ​യി ദേ​ശീ​യ​ത​ല​ത്തി​ൽ മൂ​ന്ന് മ​ൾ​ട്ടി സ്റ്റേ​റ്റ് സ​ഹ​ക​ര​ണ സം​ഘ​ങ്ങ​ൾ നി​ല​വി​ൽ​വ​ന്നു. മ​ൾ​ട്ടി സ്റ്റേ​റ്റ് കോ ​ഓ​പ​റേ​റ്റി​വ് എ​ക്സ്​​പോ​ർ​ട്ട് സൊ​സൈ​റ്റി, ദേ​ശീ​യ​ത​ല മ​ൾ​ട്ടി സ്റ്റേ​റ്റ് കോ ​ഓ​പ​റേ​റ്റി​വ് സീ​ഡ് സൊ​സൈ​റ്റി, ജൈ​വ ഉ​ൽ​പ​ന്ന​ങ്ങ​ൾ​ക്കു​ള്ള ദേ​ശീ​യ​ത​ല സ​ഹ​ക​ര​ണ സം​ഘം എ​ന്നി​വ​യാ​ണി​ത്.

രാ​ജ്യ​വ്യാ​പ​ക​മാ​യി പ്ര​വ​ർ​ത്ത​ന മ​ണ്ഡ​ല​മു​ള്ള ഈ ​സം​ഘ​ങ്ങ​ൾ​ക്ക് കീ​ഴി​ൽ സം​സ്ഥാ​ന​ങ്ങ​ളി​ലെ സ​ഹ​ക​ര​ണ സം​ഘ​ങ്ങ​ൾ അം​ഗ​ത്വ​മെ​ടു​ക്ക​ണ​മെ​ന്ന് കേ​ന്ദ്ര സ​ഹ​ക​ര​ണ മ​ന്ത്രാ​ല​യം നി​ഷ്‍ക​ർ​ഷി​ച്ചി​ട്ടു​ണ്ട്. കേ​ര​ള​ത്തി​​ന്റെ എ​തി​ർ​പ്പ് മു​ഖ​വി​ല​ക്കെ​ടു​ക്കാ​തെ, സ​ഹ​ക​ര​ണ സ്ഥാ​പ​ന​ങ്ങ​ൾ​ക്ക് ഏ​കീ​കൃ​ത ബൈ​ലോ ന​ട​പ്പാ​ക്കാ​നു​ള്ള ന​ട​പ​ടി​യു​മാ​യും കേ​ന്ദ്ര​സ​ർ​ക്കാ​ർ മു​ന്നോ​ട്ടു​പോ​കു​ക​യാ​ണ്. സ​ഹ​ക​ര​ണ നി​യ​മ​ത്തി​ലെ വ്യ​വ​സ്ഥ​ക​ൾ പ്ര​കാ​രം മാ​ത്ര​മേ ബൈ​ലോ ത​യാ​റാ​ക്കാ​ൻ അ​ധി​കാ​ര​മു​​ള്ളു​വെ​ന്നി​രി​ക്കെ​യാ​ണ്, സ​ഹ​ക​ര​ണ ത​ത്ത്വ​ങ്ങ​ൾ​ക്ക് വി​രു​ദ്ധ​മാ​യു​ള്ള കേ​ന്ദ്ര​ന​ട​പ​ടി. ഇ​തി​ന്റെ ചു​വ​ടു​പി​ടി​ച്ച്, പ്രാ​ഥ​മി​ക കാ​ർ​ഷി​ക വാ​യ്പ​സം​ഘ​ങ്ങ​ൾ, ക്ഷീ​ര സം​ഘ​ങ്ങ​ൾ, മ​ത്സ്യ​ത്തൊ​ഴി​ലാ​ളി സം​ഘ​ങ്ങ​ൾ എ​ന്നി​വ​യു​ടെ അ​ടി​സ്ഥാ​ന വി​വ​ര​ങ്ങ​ൾ കേ​ന്ദ്രം ത​യാ​റാ​ക്കു​ന്ന ഡാ​റ്റ​ബേ​സി​ലേ​ക്ക് ന​ൽ​ക​ണ​മെ​ന്ന നി​ർ​ദേ​ശ​വും സ​ഹ​ക​ര​ണ മ​ന്ത്രാ​ല​യം പു​റ​പ്പെ​ടു​വി​ച്ചു.

സ​ഹ​ക​ര​ണ സം​ഘ​ങ്ങ​ളെ വ​രു​തി​യി​ലാ​ക്കാ​നും അ​വ​യ്ക്കു​മേ​ൽ അ​നാ​വ​ശ്യ നി​യ​ന്ത്ര​ണം കൊ​ണ്ടു​വ​രാ​നു​മു​ള്ള കേ​ന്ദ്ര നീ​ക്ക​ങ്ങ​ൾ രാ​ജ്യ​ത്തി​​ന്റെ ന​ട്ടെ​ല്ലാ​യ സ​ഹ​ക​ര​ണ മേ​ഖ​ല​യെ ത​ക​ർ​ക്കു​മെ​ന്ന് സ​ഹ​കാ​രി​ക​ൾ ആ​രോ​പി​ക്കു​ന്നു. രാ​ഷ്ട്രീ​യ എ​തി​രാ​ളി​ക​ളു​ടെ ശ​ക്തി ക്ഷ​യി​പ്പി​ച്ച് ബി.​ജെ.​പി​ സ്വാ​ധീ​നം വ്യാ​പി​പ്പി​ക്കാൻ ല​ക്ഷ്യ​മി​ട്ടു​ള്ള​താ​ണ് ഇ​​ട​പെ​ട​ൽ എന്നാണ് ആക്ഷേപം