സാമ്പത്തിക വളർച്ചക്ക്​ പ്രഥമ പരിഗണന നൽകും - റിസർവ്​ ബാങ്ക്​

ന്യൂഡൽഹി: രാജ്യത്തി​​െൻറ സാമ്പത്തിക വളർച്ചക്കായിരിക്കും പ്രഥമ പരിഗണന നൽകുകയെന്ന്​ റിസർവ്​ ബാങ്ക് ഗവർണർ ശക്തികാന്ത ദാസ്​. സ്​​േറ്ററ്റ്​ ബാങ്ക്​ ഓഫ്​ ഇന്ത്യ ചെയർമാൻ രജനീഷ്​ കുമാറുമായി നടത്തിയ ഏഴാമത്​ എസ്​.ബി.ഐ ബാങ്കിങ്​ ആൻഡ്​ ഇക്കണോമിക്​സ്​ കോൺക്ലേവിൽ സംസാരിക്കുകയായിരുന്നു അദ്ദേഹം​. 

100 വർഷത്തിനിടെ ലോകം നേരിടുന്ന വിനാശകരമായ ആ​േരാഗ്യ -സാമ്പത്തിക പ്രതിസന്ധിയാണ്​ കോവിഡ്​ 19. സമ്പദ്​വ്യവസ്​ഥയെ തിരിച്ചുകൊണ്ടുവരുന്നതിനായി റിസർവ്​ ബാങ്കി​​െൻറ നേതൃത്വത്തിൽ സുപ്രധാന മുൻകരുതൽ നടപടികൾ സ്വീകരിച്ചു. ഇതിനോടകം തന്നെ ഈ നയങ്ങൾ ഫലം കണ്ടതായും അദ്ദേഹം പറഞ്ഞു.

റിസർവ്​ ബാങ്ക​ി​​െൻറ ​പ്രഥമ പരിഗണന രാജ്യത്തി​​െൻറ സാമ്പത്തിക വളർച്ചക്കായിരിക്കും. സാമ്പത്തിക സ്​ഥിരത കൈവരിക്കുന്നതിനും ഇതിനൊപ്പം പരിഗണന നൽകുമെന്ന്​ റിസർവ്​ ബാങ്ക്​ ഗവർണർ കൂട്ടിച്ചേർത്തു. 

കോവിഡി​​െൻറ വ്യാപനത്തെ തുടർന്ന്​ പ്രഖ്യാപിച്ച ലോക്​ഡൗണിൽ സാമ്പത്തിക വളർച്ച മന്ദഗതിയിലായതി​​െൻറ പശ്ചാത്തലത്തിലാണ്​ ​േകാൺക്ലേവ്​ സംഘടിപ്പിച്ചത്​. കോവിഡ്​ മഹാമാരിയുടെ പശ്ചാത്തലത്തിൽ സാമ്പത്തിക വളർച്ച താഴോട്ടായിരിക്കുമെന്ന്​ നിരവധി സാമ്പത്തിക വിദഗ്​ധർ മുന്നറിയിപ്പ്​ നൽകിയിരുന്നു.