3.2 മില്യൺ ഡെബിറ്റ്​ കാർഡുക​ളുടെ വിവരങ്ങൾ ചോർന്നെന്ന്​ ഹിറ്റാച്ചി

മുംബൈ: 2016ൽ എകദേശം 3.2 മില്യൺ എ.ടി.എം കാർഡുകളിലെ വിവരങ്ങൾ ചോർന്നെന്ന്​ ഹിറ്റാച്ചിയുടെ ഒാഡിറ്റ്​ റിപ്പോർട്ട്​. എ.ടി.എമ്മുകളുടെ പേയ്​മെൻറ്​ സർവീസ്​ നിർവഹിക്കുന്ന പ്രമുഖ കമ്പനിയാണ്​ ഹിറ്റാച്ചി. ഹിറ്റാച്ചിയുടെ പേയ്​മെൻറ്​ സർവീസ്​ സിസ്​റ്റത്തിൽ മാൽവെയർ ആക്രമണം ഉണ്ടായതായും ഇതാണ്​ വിവരങ്ങൾ ചോരാൻ കാരണമെന്നും റിപ്പോർട്ടിലുണ്ട്​.

കഴിഞ്ഞ വർഷം ഒക്​ടോബറിൽ​ െഡബിറ്റ്​ കാർഡുകൾ ഉപയോഗിച്ച്​ നടന്ന തട്ടിപ്പ്​ വാർത്തകളിലിടം പിടിച്ച സംഭവമായിരുന്നു. നാഷണൽ പേയ്​മെൻറ്​ കോർപ്പറേഷൻ ഉൾപ്പടെയുള്ള എജൻസികൾ ഇതിനെ കുറിച്ച്​ അന്വേഷണം പ്രഖ്യാപിക്കുകയും ചെയ്​തിരുന്നു. അന്നു തന്നെ ഹിറ്റാച്ചിയുടെ പേയ്​മെൻറ്​ സർവീസിൽ നിന്നാണ്​ എ.ടി.എം കാർഡുകളിലെ വിവരങ്ങൾ ചോർന്നതെന്ന്​ ആരോപണങ്ങൾ ഉയർന്നിരുന്നു.

തങ്ങളുടെ സിസ്​റ്റത്തിൽ കഴിഞ്ഞ വർഷം ഒക്​ടോബർ മാസത്തിൽ സുരക്ഷ വീഴ്​ച ഉണ്ടായി. ഉടൻ തന്നെ ഇക്കാര്യം റിസർവ്​ ബാങ്കി​നെയും നാഷണൽ പേയ്​മെൻറ്​ കോർപ്പറേഷനെയും അറിയിച്ചിരുന്നു. ബാങ്കുകളോട്​ വ്യക്​തിക്കളുടെ അക്കൗണ്ടുകൾ സുരക്ഷിതമാക്കാനുള്ള നടപടികൾ എടുക്കാൻ നിർദ്ദേശിച്ചിരുന്നതായും ഹിറ്റാച്ചി പേയ്​മെൻറ്​ സർവീസ്​ മാനേജിങ്​ ഡയറക്​ടർ ലോണി ആൻറണി പറഞ്ഞു. മാൽവെയറി​െൻറ പ്രവർത്തനം കണ്ടെത്താൻ സാധിച്ചില്ലെന്നും എത്രത്തോളം ഡാറ്റ നഷ്​ടപ്പെട്ടുവെന്ന്​ മനസിലാക്കാൻ സാധിച്ചിട്ടില്ലെന്നും ഹിറ്റാച്ചി പുറത്ത്​ വിട്ട റിപ്പോർട്ടിലുണ്ട്​. നൂതനമായ ടെക്​നോളജിയാണ്​ നെറ്റ്​വർക്കിൽ കടന്നുകൂടാൻ ഹാക്കർമാർ ഉപയോഗിച്ചതെന്നും കമ്പനി പറഞ്ഞു.

2.6 മില്യൺ വിസ ഡെബിറ്റ്​ കാർഡുകളിലും 6,00000 ലക്ഷം റൂപേ കാർഡുകളിലെ വിവരങ്ങൾ ഇത്തരത്തിൽ ചോർന്നുവെന്നാണ് കണക്കാക്കുന്നത്​. ​െഎ.സി.​െഎ.സി.​െഎ, എസ്​.ബി.​െഎ, ​യെസ്​ ​, എച്ച്​.ഡി.എഫ്​.സി എന്നീ ബാങ്കുകളുടെ വിവരങ്ങളാണ്​ കൂടുതൽ ചോർന്നതെന്നാണ്​ സൂചന. ചൈന, ബ്രസീൽ തുടങ്ങിയ രാജ്യങ്ങളിൽ നിന്ന്​ തങ്ങളുടെ എ.ടി.എം കാർഡുകൾ ഉപയോഗിച്ച്​ പണം പിൻവലിച്ചുവെന്ന്​ ഉപഭോക്​താകൾ പരാതിയുമായി എത്തിയതോടെയാണ്​ തട്ടിപ്പ്​ വാർത്തകളിലിടം പിടിച്ചത്​.