നന്ദൻ നിലേകാനി ആർ.ബി.​െഎ ഡിജിറ്റൽ പണമിടപാട്​ സമിതി മേധാവി

ന്യൂഡൽഹി: ഡിജിറ്റൽ പണമിടപാട്​ ത്വരിതപ്പെടുത്തുന്നതിനായി റിസർവ്​ ബാങ്കി​​െൻറ കീഴിൽ ​പ്രവർത്തിക്കുന്ന സമിതി യുടെ മേധാവിയായി ഇൻഫോസിസ്​ സഹസ്​ഥാപകനും യു.​െഎ.ഡി.എ.​െഎ മുൻ ചെയർമാനുമായ നന്ദൻ നിലേകാനിയെ നിയമിച്ചു. രാജ്യത്ത്​ ഡിജിറ്റൽ പണമിടപാട്​ ത്വരിതപ്പെടുത്തുകയും സാമ്പത്തിക ക്രയവിക്രയങ്ങൾ ഡിജിറ്റലൈസ്​ ചെയ്യുകയുമാണ്​ സമിതിയുടെ ലക്ഷ്യം. 2014ലെ പൊതു തെരഞ്ഞെടുപ്പിൽ ബംഗളൂരു സൗത്ത്​ മണ്ഡലത്തിൽ കോൺഗ്രസ്​ സ്​ഥാനാർഥിയായി മത്സരിച്ച വ്യക്തിയാണ്​ നന്ദൻ നിലേകാനി.

നന്ദൻ നിലേകാനിയെ കൂടാതെ മുൻ ആർ.ബി.​െഎ ഡെപ്യൂട്ടി ഗവർണർ എച്ച്​.ആർ. ഖാൻ, വിജയ ബാങ്കി​​െൻറ മുൻ എം.ഡിയും സി.ഇ.ഒയുമായ കിഷോർ സാൻസി, വിവര സാ​േങ്കതിക മന്ത്രാലയം മുൻ സെക്രട്ടറി അരുണ ശർമ, അഹമ്മദാബാദ്​ ​െഎ.​െഎ.എമ്മി​​െൻറ സി.​െഎ.​െഎ.ഇ സഞ്​ജയ്​ ജയിൻ തുടങ്ങിയവരും ഉന്നതാധികാര സമിതിയിലുണ്ട്​​.

സമിതി രാജ്യത്തെ​ നിലവിലുള്ള ഡിജിറ്റൽ പണമിടപാടി​​െൻറ സ്​ഥിതിഗതികൾ വിലയിരുത്തി പോരായ്​മകൾ കണ്ടെത്തുകയും അത്​ പരിഹരിക്കുന്നതിനുള്ള മാർഗ നിർദേശങ്ങൾ നൽകുകയും​ ചെയ്യും. കൂടാതെ ഡിജിറ്റൽ പണമിടപാടുമായി ബന്ധപ്പെട്ട സുരക്ഷ ശക്തമാക്കാനുള്ള മാർഗ നിർദേശങ്ങളും സമിതി നൽകും. ആദ്യ യോഗം നടന്ന്​ 90 ദിവസത്തിനുള്ളിൽ സമിതി ഇതു സംബന്ധിച്ച്​ റിപ്പോർട്ട്​ സമർപ്പിക്കുമെന്നും റിസർവ്​ ബാങ്ക്​ വാർത്താകുറിപ്പിൽ അറിയിച്ചു.