പേടിഎം ബാങ്കിന്​ റിസർവ്​ ബാങ്കി​െൻറ പച്ചക്കൊടി

ന്യൂഡൽഹി: എയർടെല്ലിന്​ പിന്നാലെ പേയ്​മെൻറ്​ ബാങ്കുമായി പേടിഎമ്മും രംഗത്തെത്തുന്നു. ചൊവ്വാഴ്​ചയാണ്​ ഇത്​ സംബന്ധിച്ച തീരുമാനം പേടിഎം പ്രഖ്യാപിച്ചത്​. റിസർവ്​ ബാങ്കിൽ നിന്ന്​ പേയ്​മെൻറ്​ ബാങ്ക്​ തുടങ്ങാനുള്ള അനുമതി ലഭിച്ചതായി പേടിഎം സ്​ഥാപകൻ വിജയ്​ ശേഖർ ശർമ പറഞ്ഞു. രാജസ്​ഥാനിൽ പരീക്ഷണാടിസ്​ഥാനത്തിൽ പേടിഎം പേയ്​മെൻറ്​ ബാങ്ക്​ ആരംഭിച്ചിട്ടുണ്ട്​. നവംബറിലാണ്​ എയർ​ടെൽ തങ്ങളുടെ പേയ്​മെൻറ്​ ബാങ്ക്​ പദ്ധതി ആരംഭിച്ചത്​.

ബാങ്കിങ്​ രംഗത്ത്​ പുതിയ പദ്ധതിക്കാണ്​ പേടിഎം തുടക്കം കുറിക്കുന്നതെന്ന്​ വിജയ്​ ശർമ പറഞ്ഞു. ബാങ്കിങ്​ സേവന ലഭ്യമല്ലാത്ത കോടിക്കണക്കിന്​ ആളുകളിലേക്ക്​ ഇത്​ എത്തിക്കുക എന്നതാണ്​ പേടിഎമ്മി​െൻറ ലക്ഷ്യമെന്നും അദ്ദേഹം കൂട്ടിച്ചേർത്തു.
ഭീം ആപ്പ്​ ഉപയോഗിച്ച്​ പേടിഎം വാലറ്റ്​ റീചാർജ്​ ചെയ്യാൻ സാധിക്കുന്ന സംവിധാനം കമ്പനി നേരത്തെ തന്നെ അവതരിപ്പിച്ചിരുന്നു. പുതിയ പേയ്​മെൻറ്​ ബാങ്ക്​ സംവിധാന പ്രകാരം പേടിഎം കാഷ്​ വാലറ്റിലെ ബാലൻസ്​ പേയ്​മെൻറ്​ ബാങ്ക്​ ബാലൻസായി മാറുമെന്നും പേടിഎം അറിയിച്ചിട്ടുണ്ട്​.

പേയ്​മെൻറ്​ ബാങ്ക്​ സംവിധാനം ഇന്ത്യയിലെ ഉപഭോക്​താകളെ സംബന്ധിച്ചിടത്തോളം പുതിയ ഒന്നാണ്​. പ്രിപെയ്​ഡ്​ വാലറ്റിനെയും ബാങ്ക്​ അക്കൗണ്ടിനെയും ബന്ധിപ്പിക്കുന്ന പാലമാണ്​ പേയ്​മെൻറ്​ ബാങ്ക്​. ഒരു വ്യക്​തിക്ക്​ 1 ലക്ഷം രൂപ വരെ മാത്രമേ പേയ്​മെൻറ്​ ബാങ്കിൽ നിക്ഷേപിക്കാൻ സാധിക്കുകയുള്ളു. ഇതിന്​ ബാങ്ക്​ പലിശ നൽകും. 7.25 ശതമാനമാണ്​ എയർടെൽ നൽകുന്ന പലിശ. ഉപഭോക്​താവിന്​ ലോൺ നൽകാനോ ക്രെഡിറ്റ്​ കാർഡുകൾ നൽകനോ പേയ്​മെൻറ്​ ബാങ്കുകൾക്ക്​ അധികാരമില്ല. എന്നാൽ എ.ടി.എം കാർഡുകളും ഡെബിറ്റ്​ കാർഡുകളും ഇവർക്ക്​ നൽകാവുന്നതാണ്​. പേയ്​മെൻറ്​ ബാങ്കിലെ പണം ബാങ്ക്​ അക്കൗണ്ടിലേക്കും ട്രാൻസഫർ ചെയ്യാവുന്നതാണ്​ അതുകൊണ്ട്​ തന്നെ പൂർണമായും ബാങ്കിങ്​ സംവിധാനത്തിനകത്ത്​ വരുന്നതാണ്​ പേയ്​മെൻറ്​ ബാങ്കിങ്​.