റാൻസംവെയർ ആക്രമണ ഭീഷണി: എ.ടി. എമ്മുകൾ അടച്ചിടാൻ നീക്കം

ന്യൂ​ഡ​ൽ​ഹി: റാ​ൻ​സം​വെയർ ആ​ക്ര​മ​ണ ഭീ​ഷ​ണി​യെ തു​ട​ര്‍​ന്ന് രാജ്യത്തെ എ.​ടി​.എ​മ്മു​ക​ള്‍ അ​ട​ച്ചിടാൻ നീക്കം. സു​ര​ക്ഷ​യു​ടെ ഭാ​ഗ​മാ​യാ​ണ് എ​ടി​എ​മ്മു​ക​ൾ അ​ട​ച്ചി​ടു​ന്ന​ത്. പഴയ ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന എല്ലാ എ.ടി.എമ്മുകളും അടിയന്തരമായി അടച്ചിടാന്‍ ആർ.ബി.ഐ ബാങ്കുകള്‍ക്ക് നിര്‍ദേശം നല്‍കി. വി​ന്‍​ഡോ​സി​ല്‍ പ്ര​വ​ര്‍​ത്തി​ക്കു​ന്ന എ.​ടി.​എ​മ്മു​ക​ളു​ടെ സോ​ഫ്റ്റ്‌​വെ​യ​ര്‍ അ​പ്‌​ഡേ​ഷ​ന്‍ ന​ട​ത്തി​യ ശേ​ഷം മാ​ത്രം തു​റ​ന്നാൽ മതിയെന്നാണ് നിർദേശം.

രാ​ജ്യ​ത്തെ 2.25 ല​ക്ഷം എ​.ടി.​എ​മ്മു​ക​ൾ പ്ര​വ​ര്‍​ത്തി​ക്കു​ന്ന​ത് കാലഹരണപ്പെട്ട വി​ന്‍​ഡോ​സ് എ​ക്‌​സ്പി​  ഓപ്പറേറ്റിംഗ് സിസ്റ്റത്തിലാണ് പ്രവര്‍ത്തിക്കുന്നത്. ഇ​ത് രാ​ജ്യ​ത്തെ എ​.ടി​.എ​മ്മു​ക​ളി​ലെ 60 ശ​ത​മാ​ന​ത്തി​ല​ധി​കം വ​രും. നിലവിലെ സാഹചര്യത്തില്‍ വിന്‍ഡോസ് എക്‌സ്പിക്ക് പ്രത്യേക അപ്‌ഡേഷന്‍ ലഭ്യമാക്കാമെന്ന് മൈക്രോസോഫ്റ്റ് അറിയിച്ചിട്ടുണ്ട്. അ​തേ​സ​മ​യം ഉ​പ​ഭോ​ക്താ​ക്ക​ളു​ടെ പ​ണ​വും ബ​ന്ധ​പ്പെ​ട്ട വി​വ​ര​ങ്ങ​ളും സു​ര​ക്ഷി​ത​മാ​ണെ​ന്ന് എ​.ടി​.എം ഓ​പ​റേ​റ്റ​ര്‍​മാ​ര്‍ അറിയിച്ചു.

രാ​ജ്യ​ത്തെ എ​.ടി​.എ​മ്മു​ക​ളി​ല്‍ ഭൂ​രി​ഭാ​ഗ​വും വി​ന്‍​ഡോ​സ് എ​ക്‌​സ് പി​യി​ലാ​ണ് പ്ര​വ​ര്‍​ത്തി​ക്കു​ന്ന​തെ​ന്നും അ​തു​കൊ​ണ്ടു​ത​ന്നെ ഇ​വ സു​ര​ക്ഷാ ഭീ​ഷ​ണി നേ​രി​ടു​ന്നു​ണ്ടെ​ന്നും നേ​ര​ത്തെ റി​പ്പോ​ര്‍​ട്ടു​ക​ളു​ണ്ടാ​യി​രു​ന്നു.