വ്യവസ്​ഥകൾ ലംഘിച്ചു; 14 ബാങ്കുകൾക്ക്​ പിഴയിട്ട്​ റിസർവ്​ ബാങ്ക്​

മുംബൈ: നിർദേശങ്ങളുടെ ചില വ്യവസ്​ഥകൾ ലംഘിച്ചതിനെ തുടർന്ന്​ 14 ബാങ്കുകൾക്ക്​ പിഴയിട്ട്​ റിസർവ്​ ബാങ്ക്​.

ഒരു പ്രത്യേക ഗ്രൂപ്പി​െൻറ കമ്പനികളുടെ അക്കൗണ്ടുകൾ റിസർവ്​ ബാങ്ക്​ പരിശോധനക്ക്​ വിധേയമാക്കിയിരുന്നു. ഇതോടെ റിസർവ്​ ബാങ്ക്​ പുറപ്പെടുവിച്ചിരുന്ന ഒന്നോ അതിൽ അധികമോ നിർദേശങ്ങൾ പാലിക്കുന്നതിൽ ബാങ്കുകൾ പരാജയപ്പെട്ടുവെന്നും 1949ലെ ബാങ്കിങ്​ റെഗുലേഷൻ ആക്​ടി​െൻറ വ്യവസ്​ഥകൾക്ക്​ വിരുദ്ധമായി പ്രവർത്തിച്ചതായും കണ്ടെത്തുകയായിരുന്നു.

തുടർന്ന്​ ബാങ്കുകൾക്ക്​ റിസർവ്​ ബാങ്ക്​ കാരണം കാണിക്കൽ നോട്ടീസ്​ അയച്ചിരുന്നു. ഇതിനുപിന്നാലെയാണ്​ 14 ബാങ്കുകൾക്ക്​ പിഴ ചുമത്താൻ ആർ.​ബി.ഐ ​തീരുമാനിച്ചത്​.

ബന്ദൻ ബാങ്ക്​, ബാങ്ക്​ ഒാഫ്​ ബറോഡ, ബാങ്ക്​ ഒാഫ്​ മഹാരാഷ്​ട്ര, സെൻട്രൽ ബാങ്ക്​ ഒാഫ്​ ഇന്ത്യ, ക്രഡിറ്റ്​ സൂയിസ്​, ഇന്ത്യൻ ബാങ്ക്​, ഇൻഡസ്​ഇൻഡ്​ ബാങ്ക്​, കർണാടക ബാങ്ക്​ ലിമിറ്റഡ്​, കരൂർ വൈശ്യ ബാങ്ക്​, പഞ്ചാബ്​ ആൻഡ്​ സിന്ദ്​ ബാങ്ക്​, സൗത്ത്​ ഇന്ത്യൻ ബാങ്ക്​, സ്​റ്റേറ്റ്​ ബാങ്ക്​ ഒാഫ്​ ഇന്ത്യ, ജമ്മു ആൻഡ്​ കശ്​മിർ ബാങ്ക്​ ലിമിറ്റഡ്​, ഉത്തർകാശി സ്​മോൾ ഫിനാൻസ്​ ബാങ്ക്​ എന്നിവക്കാണ്​ പിഴയിട്ടത്​.