ഐ.സി.ഐ.സി.ഐ ബാങ്കിന്​ മൂന്ന്​ കോടി പിഴ ചുമത്തി ആർ.ബി.ഐ

ന്യൂഡൽഹി: രാജ്യത്തെ പ്രമുഖ സ്വകാര്യ ബാങ്കായ ഐ.സി.ഐ.സി.ഐ ബാങ്കിന്​ മൂന്ന്​ കോടി രൂപ പിഴ ചുമത്തി ആർ.ബി.ഐ. കേന്ദ്ര ബാങ്കി​െൻറ നിയമങ്ങൾ ലംഘിച്ചതിനാണ്​ പിഴശിക്ഷയെന്ന്​ ആർ.ബി.ഐ വ്യക്​തമാക്കി.

നിക്ഷേപ പോർട്ട്​ഫോളിയകളുമായി ബന്ധപ്പെട്ടാണ്​ പിഴ ശിക്ഷയെന്ന്​ ആർ.ബി.ഐ വ്യക്​തമാക്കിയിട്ടുണ്ട്​. 1949ലെ ബാങ്കിങ്​ റെഗുലേഷൻ ആക്​ടിലെ വ്യവസ്ഥകൾ പ്രകാരമാണ്​ നടപടി.

എന്നാൽ, ബാങ്കും ഉപഭോക്​താക്കളുമായി ബന്ധപ്പെട്ട ഇടപാടുകളിലല്ല പിഴയെന്നും ആർ.ബി.ഐ കൂട്ടിച്ചേർത്തു. കേന്ദ്ര ബാങ്കി​െൻറ വ്യവസ്ഥകൾ പാലിക്കുന്നതിൽ വരുത്തിയ പിഴവാണ്​ പിഴശിക്ഷക്ക്​ കാരണം.