ഗർഭിണികൾക്ക് എസ്.ബി.ഐയിൽ വീണ്ടും 'നിയമന വിലക്ക്'

തൃ​ശൂ​ർ: സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​യി​ൽ (എ​സ്.​ബി.​ഐ) ഗ​ർ​ഭി​ണി​ക​ൾ​ക്ക് 'നി​യ​മ​ന വി​ല​ക്ക്' വീ​ണ്ടും. മൂ​ന്ന് പ​തി​റ്റാ​ണ്ട് നീ​ണ്ടു​നി​ന്ന ശേ​ഷം 2009ൽ ​പി​ൻ​വ​ലി​ച്ച വി​ല​ക്കാ​ണ് പു​നഃ​സ്ഥാ​പി​ച്ച​ത്.

ഇ​തു​സം​ബ​ന്ധി​ച്ച സ​ർ​ക്കു​ല​ർ ബാ​ങ്കി​ന്റെ എ​ല്ലാ ലോ​ക്ക​ൽ ഹെ​ഡ് ഓ​ഫി​സു​ക​ളി​ലും സ​ർ​ക്കി​ൾ ഓ​ഫി​സു​ക​ളി​ലും ല​ഭി​ച്ചു. എ​സ്.​ബി.​ഐ​യി​ൽ നി​യ​മ​ന​ത്തി​ന് പ​രി​ഗ​ണി​ക്കു​ന്ന വ​നി​ത ഗ​ർ​ഭി​ണി​യാ​ണെ​ങ്കി​ൽ, അ​വ​രു​ടെ ഗ​ർ​ഭ​കാ​ലം മൂ​ന്ന് മാ​സ​ത്തി​ൽ കൂ​ടു​ത​ലാ​ണെ​ങ്കി​ൽ നി​യ​മ​ന​ത്തി​ന് 'താ​ൽ​ക്കാ​ലി​ക അ​യോ​ഗ്യ​ത'​യാ​യി ക​ണ​ക്കാ​ക്കു​മെ​ന്ന്​ ഇ​തി​ൽ പ​റ​യു​ന്നു. ഇ​വ​ർ പ്ര​സ​വം ക​ഴി​ഞ്ഞ് നാ​ല് മാ​സ​ത്തി​ന​കം ജോ​ലി​യി​ൽ പ്ര​വേ​ശി​ക്ക​ണ​മെ​ന്നും അ​റി​യി​ച്ചി​ട്ടു​ണ്ട്.

അ​താ​യ​ത്, ഗ​ർ​ഭി​ണി​ക​ൾ​ക്ക് മൂ​ന്ന് മാ​സം ക​ഴി​ഞ്ഞാ​ൽ നി​യ​മ​നം നി​ഷേ​ധി​ക്കു​ന്നെ​ന്ന് മാ​ത്ര​മ​ല്ല പ്ര​സ​വ​ശേ​ഷം ആ​റ് മാ​സം വ​രെ ന​വ​ജാ​ത ശി​ശു​വി​നെ പ​രി​പാ​ലി​ക്കാ​നു​ള്ള സ്വാ​ഭാ​വി​ക സ​മ​യം അ​നു​വ​ദി​ക്കു​ന്നു​മി​ല്ല. ഡി​സം​ബ​ർ 21ന് ​ചേ​ർ​ന്ന യോ​ഗ​മാ​ണ് നി​ല​വി​ലെ വ്യ​വ​സ്ഥ​ക​ൾ മാ​റ്റി​യു​ള്ള ഈ ​തീ​രു​മാ​ന​മെ​ടു​ത്ത​തെ​ന്ന് ഉ​ത്ത​ര​വി​ൽ പ​റ​യു​ന്നു.

ഗ​ർ​ഭി​ണി​ക​ൾ​ക്ക് നി​യ​മ​ന​ത്തി​നും സ്ഥാ​ന​ക്ക​യ​റ്റ​ത്തി​നും വി​ല​ക്കി​നോ​ളം പോ​ന്ന ക​ർ​ശ​ന നി​യ​ന്ത്ര​ണ​ങ്ങ​ൾ നി​ല​നി​ന്ന എ​സ്.​ബി.​ഐ​യി​ൽ ഏ​റെ​ക്കാ​ല​ത്തെ ശ​ക്ത​മാ​യ പ്ര​തി​ഷേ​ധ​ത്തെ തു​ട​ർ​ന്ന് 2009ലാ​ണ് മാ​റ്റം വ​ന്ന​ത്. നി​യ​മ​ന​ത്തി​നും സ്ഥാ​ന​ക്ക​യ​റ്റ​ത്തി​നും പ​രി​ഗ​ണി​ക്ക​പ്പെ​ടു​ന്ന വ​നി​ത​ക​ൾ അ​വ​ർ ഗ​ർ​ഭി​ണി​യാ​ണോ​യെ​ന്ന​ത​ട​ക്ക​മു​ള്ള വി​ശ​ദാം​ശ​ങ്ങ​ൾ മാ​ത്ര​മ​ല്ല ആ​ർ​ത്ത​വ​ച​ക്രം സം​ബ​ന്ധി​ച്ചും രേ​ഖാ​മൂ​ലം വി​വ​ര​ങ്ങ​ൾ ന​ൽ​കാ​ൻ നേ​ര​ത്തേ നി​ർ​ബ​ന്ധി​ത​രാ​യി​രു​ന്നു.

ഇ​തി​ൽ മാ​റ്റം വ​രു​ത്തി​യാ​ണ് 2009ൽ, ​ഗ​ർ​ഭ​കാ​ലം ആ​റ് മാ​സം വ​രെ​യു​ള്ള​വ​ർ​ക്ക് നി​യ​മ​നം ന​ൽ​കാ​മെ​ന്നും ജോ​ലി​ക്കാ​യെ​ത്തു​ന്ന​ത് ഗ​ർ​ഭാ​വ​സ്ഥ​ക്കും ആ​രോ​ഗ്യ​ത്തി​നും ദോ​ഷ​മാ​കി​ല്ലെ​ന്നു​മു​ള്ള ഗൈ​ന​ക്കോ​ള​ജി​സ്റ്റി​ന്റെ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​ൽ മ​തി​യെ​ന്ന വ്യ​വ​സ്ഥ വെ​ച്ച​ത്. ഇ​താ​ണ് വീ​ണ്ടും 'വി​ല​ക്കി'​ലേ​ക്ക് മാ​റു​ന്ന​ത്.

മു​മ്പ് വി​ല​ക്ക് നീ​ക്കാ​ൻ ശ​ക്ത​മാ​യ ഇ​ട​പെ​ട​ലി​ന് മു​ന്നി​ൽ നി​ന്ന​ത് അ​ന്ന്​ സം​സ്ഥാ​ന സ​ർ​ക്കാ​റും വി​വി​ധ സം​ഘ​ട​ന​ക​ളു​മാ​ണ്.