ആമസോണിന്​ തിരിച്ചടി; ഫ്യൂച്ചറി​െൻറ ആസ്​തികൾ റിലയൻസിന്​ ഏറ്റെടുക്കാം

ചില്ലറ-മൊത്ത വിൽപന മേഖലയിലെ ഫ്യൂച്ചർ ഗ്രൂപ്പി​െൻറ ആസ്തികൾ വാങ്ങാനുള്ള ഇന്ത്യൻ വ്യവസായ ഭീമനായ റിലയൻസ് ഇൻഡസ്ട്രീസി​െൻറ ശ്രമം കോംപറ്റീഷൻ കമീഷൻ ഒാഫ്​ ഇന്ത്യ അംഗീകരിച്ചു. ഒാൺലൈൻ ഭീമനായ ആമസോണി​െൻറ എതിർപ്പുകൾ മറികടന്നാണ്​ റിലയൻസി​െൻറ ശ്രമം കോംപറ്റീഷൻ കമീഷൻ ഒാഫ്​ ഇന്ത്യ അംഗീകരിച്ചത്​. റീ​െട്ടയിൽ മേഖലയിൽ ചുവടുറപ്പിക്കുന്നതി​െൻറ ഭാഗമായാണ്​ റിലയൻസ്​ ഫ്യൂച്ചർ ഗ്രൂപ്പി​െൻറ ആസ്​തികൾ ഏറ്റെടുക്കുന്നത്​. ഇതോടെ ഫ്യൂച്ചർ ഗ്രൂപ്പി​െൻറ ബിഗ്​ ബസാറടക്കമുള്ള 1800 ഒാളം സ്​റ്റോറുകൾ റിലയൻസിന്​ കീഴിലാകും. 420 നഗരങ്ങളിലായാണ്​ ഫ്യൂച്ചർ ഗ്രൂപ്പി​െൻറ സ്​റ്റോറുകൾ.

ഫ്യൂച്ചറി​െൻറ ഹോൾഡിങ്ങ്​ കമ്പനിയിലെ നിക്ഷേപകർ എന്ന നിലക്കാണ്​ അമേരിക്കൻ ഒാൺലൈൻ ഭീമനായ ആമസോൺ ഇടപാടിനെതിരെ എതിർപ്പുയർത്തിയിരുന്നത്​. ആമസോണുമായി കരാറുള്ളതിനാൽ ആസ്​തി മറ്റാർക്കും വിൽക്കാനാകില്ലെന്നായിരുന്നു അവരുടെ വാദം. ഫ്യൂച്ചറുമായുള്ള റിലയൻസി​െൻറ ഇടപാടിനെതിരെ കോംപറ്റീഷൻ കമീഷൻ ഒാഫ്​ ഇന്ത്യ, സെക്യൂരിറ്റീസ്​ ആൻഡ്​ എക്​സേഞ്ച്​ ബോർഡ്​ ഒാഫ്​ ഇന്ത്യ എന്നിവയെയെല്ലാം ആമസോൺ സമീപിച്ചിരുന്നു.