ഈസ്റ്റർ, വിഷു: നെടുമ്പാശ്ശേരിയിൽ നിന്ന് ചരക്കു കയറ്റുമതി കൂടി

നെടുമ്പാശ്ശേരി: കൊച്ചി രാജ്യാന്തര വിമാനത്താവളത്തിൽ നിന്ന്​ ഈസ്റ്റർ, വിഷു പ്രമാണിച്ച് ചരക്കുകളുടെ കയറ്റുമതി കൂടി. ചില ദിവസങ്ങളിൽ 110 ടൺ വരെ ഭക്ഷ്യവസ്തുക്കളും മറ്റും കൊണ്ടു പോകുന്നുണ്ട്. കുരുത്തോല പെരുന്നാളിനുള്ള കുരുത്തോലകൾ വരെ ഇവിടെ നിന്ന്​ കൊണ്ടു പോയിരുന്നു.

വിഷുവിനോട് അനുബന്ധിച്ച്​ കണിക്കൊന്നയും കണി വെള്ളരിയും കൂടുതലായി കയറ്റി അയക്കും. ചരക്കുകൾ കൊണ്ടു പോകുന്നതിന് ഇക്കുറി പ്രത്യേക ചരക്കു വിമാനങ്ങളെത്തിയിട്ടില്ല. വാഴയില നിത്യേനയെന്നോണം കൊണ്ടു പോകുന്നുണ്ട്. ഇത്​ ഏറെയും ശേഖരിക്കുന്നത് തമിഴ്നാട്ടിൽ നിന്നാണ്.