മാർച്ച്​ 31നകം ബാങ്ക്​ അക്കൗണ്ടുകൾ ആധാർ കാർഡുമായി ബന്ധിപ്പിക്കണമെന്ന്​ ധനമന്ത്രി

മുംബൈ: ബാങ്ക്​ അക്കൗണ്ടുകളെ ആധാർ കാർഡുമായി ബന്ധിപ്പിക്കുന്ന പ്രക്രിയ 2021 മാർച്ച്​ 31ന്​ മുമ്പ്​ പൂർത്തിയാക്കണമെന്ന്​ ധനമന്ത്രി നിർമ്മല സീതാരാമൻ. അക്കൗണ്ടുകളെ ആധാർ കാർഡുമായി ബന്ധിപ്പിക്കുന്ന പ്രക്രിയ തുടരുകയാണെന്നും പൂർത്തിയായിട്ടില്ലെന്നും ധനമന്ത്രി അറിയിച്ചു.

ഇന്ത്യൻ ബാങ്ക്​ അസോസിയേഷൻ യോഗത്തിൽ സംസാരിക്കുകയായിരുന്നു ധനമന്ത്രി. അക്കൗണ്ട്​ ഉടമകളുടെ പാൻ കാർഡ്​ വിവരങ്ങളും ശേഖരിക്കണം. ബാങ്കുകളിലെത്തി അക്കൗണ്ട്​ ഉടമകൾ ഇടപാടുകൾ നടത്തുന്നത്​ പരമാവധി നിരുത്സാഹപ്പെടുത്തണം. ഡിജിറ്റൽ യു.പി.എ ഇടപാടുകൾക്കാണ്​ പ്രാധാന്യം നൽകേണ്ടതെന്നും അവർ പറഞ്ഞു.

റുപേ കാർഡിന്​ പ്രാധാന്യം നൽകണം. ബാങ്ക്​ ലയനമുണ്ടുവെന്ന സൂചനകൾ നൽകി വലിയ ബാങ്കുകളെയാണ്​ രാജ്യം ആഗ്രഹിക്കുന്നതെന്നും ധനമ​ന്ത്രി പറഞ്ഞു.