യു.എ.ഇയിൽ ഫെബ്രുവരിയിൽ ഇന്ധന വില വർധിക്കും

ദുബൈ: രാജ്യത്ത്​ ഫെബ്രുവരിയിലെ പെട്രോൾ, ഡീസൽ വിലയിൽ നേരിയ വർധനവ്​. കഴിഞ്ഞ രണ്ടു മാസങ്ങളിൽ തുടർച്ചയായി മാറ്റമില്ലാതെ തുടർന്ന വിലയാണ്​ പ്രതീക്ഷിക്കപ്പെട്ടത്​ പോലെ നേരിയ വർധനവ്​ രേഖപ്പെടുത്തിയത്​.

സൂപ്പർ പെട്രോളിന്‍റെ പുതുക്കിയ വില ലിറ്ററിന്​ 2.74 ദിർഹമാണ്​. കഴിഞ്ഞ മാസമിത്​ 2.61 ദിർഹമായിരുന്നു. പെട്രോൾ സ്പെഷ്യൽ 2.63 ദിർഹം (ജനുവരിയിൽ 2.50), ഇ പ്ലസിന്​ 2.55 ദിർഹം (ജനുവരിയിൽ 2.43), ഡീസലിന്​ 2.82 ദിർഹം (ജനുവരിയിൽ 2.68) എന്നിങ്ങനെയാണ്​ നിരക്ക്​.

ജനുവരിയിൽ പെട്രോൾ, ഡീസൽ വില ഡിസംബറിലേത്​ തുടരുകയായിരുന്നു. ഇന്ധന വിലനിർണയ കമ്മിറ്റിയാണ്​ എല്ലാ മാസവും നിരക്ക്​​ സംബന്ധിച്ച അറിയിപ്പ്​ പുറത്തുവിടുന്നത്​. ഡിസംബറിൽ നവംബറിനെ അപേക്ഷിച്ച്​ പെട്രോളിന്​ 13 ഫിൽസ്​ കുറഞ്ഞപ്പോൾ ഡീസലിന്​ ഒരു ഫിൽസ്​ കൂടിയിരുന്നു.

അന്താരാഷ്ട്ര വിപണിയിൽ ക്രൂഡ്​ ഓയിൽ വില അടിസ്ഥാനമാക്കിയാണ്​ യു.എ.ഇ ഇന്ധന വില നിർണയ സമിതി എല്ലാ മാസവും വില പുനർനിർണയിക്കുന്നത്​. ഓരോ മാസവും രാജ്യത്ത്​ ചെറിയ മാറ്റം വിലയിലുണ്ടാകാറുണ്ട്​.

അ​ജ്മാ​നി​ൽ ടാ​ക്സി നി​ര​ക്കു​ക​ൾ വ​ര്‍ധി​ച്ചു

അ​ജ്മാ​ന്‍ : ഇ​ന്ധ​ന വി​ല വ​ർ​ധ​ന​യെ​ത്തു​ട​ർ​ന്ന് ഫെ​ബ്രു​വ​രി​യി​ൽ അ​ജ്മാ​നി​ലെ ടാ​ക്സി നി​ര​ക്കു​ക​ൾ വ​ർ​ധി​ക്കു​മെ​ന്ന് അ​ധി​കൃ​ത​ർ വ്യ​ക്ത​മാ​ക്കി. ര​ണ്ട് മാ​സ​ത്തെ മാ​റ്റ​മി​ല്ലാ​ത്ത നി​ര​ക്കു​ക​ൾ​ക്ക് ശേ​ഷ​മാ​ണ് ഈ ​വ​ർ​ധ​ന.

ഡി​സം​ബ​ർ, ജ​നു​വ​രി മാ​സ​ങ്ങ​ളി​ൽ 1.74 ദി​ർ​ഹ​മി​ൽ നി​ന്ന് കി​ലോ​മീ​റ്റ​റി​ന് 1.77 ദി​ർ​ഹ​മാ​യി നി​ര​ക്ക് വ​ർ​ധി​ക്കും. എ​ല്ലാ മാ​സ​വും നി​ശ്ച​യി​ക്കു​ന്ന ഇ​ന്ധ​ന വി​ല​യ്ക്ക്​ അ​നു​സ​രി​ച്ച്​ അ​ജ്മാ​ൻ ടാ​ക്സി നി​ര​ക്കു​ക​ൾ ക്ര​മീ​ക​രി​ക്കാ​റു​ണ്ട്.

ഇ​തി​ന്‍റെ ഭാ​ഗ​മാ​യാ​ണ്​ നി​ര​ക്ക്​ പു​തു​ക്കി നി​ശ്ച​യി​ച്ച​ത്. ശ​നി​യാ​ഴ്ച മു​ത​ൽ പു​തി​യ നി​ര​ക്ക്​ പ്രാ​ബ​ല്യ​ത്തി​ൽ​വ​രും.