സ്വർണവിലയിൽ വർധന

കൊ​ച്ചി: സ്വ​ർ​ണ വി​ലയിൽ വർധന. ബുധനാഴ്ച സ്വർണവിലയിൽ കുത്തനെ ഇടിവ് രേഖപ്പെടുത്തിയതിന് ശേഷമാണ് ഇന്ന് സ്വർണവില വർധിച്ചത്. പ​വ​ന് 160 രൂ​പ​യാണ് വർധിച്ചത്. ഇതോടെ ഒരു പവൻ സ്വർണത്തിന്‍റെ വില 35,960 രൂ​പയായി. ഗ്രാ​മി​ന് 20 രൂ​പ​ വർധിച്ച് 4,495 രൂ​പ​യി​ലെ​ത്തി.

35,800 രൂപയായിരുന്നു ഇന്നലത്തെ വില. ബു​ധ​നാ​ഴ്ച പ​വ​ന് 240 രൂ​പ​യു​ടെ കു​റവാണ് രേഖപ്പെടുത്തിയത്. ഒ​ക്ടോ​ബ​ർ ഒ​ന്നി​ന് പവന് 34,720 രൂപയായിരുന്നു വില. ഇതാണ് ഈ മാസത്തെ ഏറ്റവും കുറഞ്ഞ നിരക്ക്.