സ്വർണവിലയിൽ തുടർച്ചയായ രണ്ടാംദിവസവും വൻഇടിവ്

കൊച്ചി: സംസ്ഥാനത്ത് തുടർച്ചയായ രണ്ടാംദിവസവും സ്വർണവിലയിൽ വൻഇടിവ്. പവന് 480 രൂപയുടെ കുറവാണ് ഇന്ന് രേഖപ്പെടുത്തിയത്. 36,480 രൂപയാണ് ഒരു പവൻ സ്വർണത്തിന്‍റെ ഇന്നത്തെ വില.

ഗ്രാമിന് 60 രൂപയുടെ കുറവ് രേഖപ്പെടുത്തി. 4560ഗ്രാം രൂപയാണ് ഒരു ഗ്രാം സ്വർണത്തിന്‍റെ വില. ഈ മാസത്തെ ഏറ്റവും താഴ്ന്ന വിലയാണ് ഇന്ന് രേഖപ്പെടുത്തിയത്.

പവന് 720 രൂപയാണ് കുറഞ്ഞ് 36,960 രൂപയായിരുന്നു ചൊവ്വാഴ്ചത്തെ വില. കഴിഞ്ഞ നാലുദിവസങ്ങളായി സ്വർണവിലയിൽ മാറ്റമില്ലാതെ തുടരുകയായിരുന്നു. അതിനിടെയാണ് രണ്ടുദിവസങ്ങളായി സ്വർണവിലയിൽ തുടർച്ചയായ ഇടിവ് രേഖപ്പെടുത്തുന്നത്.