ജി.​എ​സ്.​ടി: ന​ല്ല​വ​ഴി​യേ വ്യാ​പാ​ര മേ​ഖ​ല

ജി.എസ്.ടി നടപ്പിൽ വരുത്തിയ ഘട്ടത്തിൽ ഏറെ ആശങ്കകളാണ് നിലനിന്നിരുന്നത്. എന്നാൽ, പ്രാബല്യത്തിൽ വന്ന് അഞ്ചു വർഷം പിന്നിടവെ പരോക്ഷ നികുതി പിരിവിൽ വലിയ വർധനയാണ് രേഖപ്പെടുത്തിയത്. നികുതിവെട്ടിപ്പിൽ വലിയ കുറവുണ്ടായി എന്നതാണ് ഈ നേട്ടത്തിന് കാരണമായി വിലയിരുത്തപ്പെടുന്നത്

ഒ​രു രാ​ജ്യം ഒ​റ്റ നി​കു​തി​യെ​ന്ന ല​ക്ഷ്യ​ത്തോ​ടെ ന​ട​പ്പാ​ക്കി​യ ച​ര​ക്കു​സേ​വ​ന നി​കു​തി (ജി.​എ​സ്.​ടി) അ​ഞ്ചാ​ണ്ട് പി​ന്നി​ടു​മ്പോ​ൾ ന​ല്ല​വ​ഴി​യേ രാ​ജ്യ​ത്തെ വ്യാ​പാ​ര-​വാ​ണി​ജ്യ മേ​ഖ​ല. ല​ഭ്യ​മാ​യ ക​ണ​ക്കു​ക​ൾ പ്ര​കാ​രം രാ​ജ്യ​ത്തെ ജി.​എ​സ്.​ടി പി​രി​വ് പ്ര​തീ​ക്ഷ​ക​ൾ മ​റി​ക​ട​ന്ന വ​ള​ർ​ച്ച​യാ​ണ് കൈ​വ​രി​ച്ച​ത്. ല​ളി​ത​മാ​യ നി​കു​തി സം​വി​ധാ​ന​വും താ​ങ്ങാ​വു​ന്ന നി​ര​ക്കു​ക​ളും നി​കു​തി വെ​ട്ടി​പ്പ് ഇ​ല്ലാ​താ​ക്കു​ന്ന​തി​നും ക​ള്ള​പ്പ​ണം തു​ട​ച്ചു​നീ​ക്കു​ന്ന​തി​നും വ​ഴി​യൊ​രു​ക്കു​മെ​ന്ന തി​രി​ച്ച​റി​വ് കൂ​ടി​യാ​ണ് ഇ​ത് ന​ൽ​കു​ന്ന​ത്.

തു​ട​ക്ക​ത്തി​ലെ പ്ര​ശ്ന​ങ്ങ​ൾ​ക്കു​ശേ​ഷം ഇ​പ്പോ​ൾ കേ​ര​ള​വും നി​കു​തി പി​രി​വി​ന്‍റെ കാ​ര്യ​ത്തി​ൽ മു​ന്നേ​റു​ക​യാ​ണെ​ന്നാ​ണ് ഏ​റ്റ​വും ഒ​ടു​വി​ല​ത്തെ ക​ണ​ക്കു​ക​ൾ. എ​ന്നാ​ൽ, പു​തി​യ നി​കു​തി സം​വി​ധാ​ന​ത്തി​ന്‍റെ തു​ട​ക്ക​ത്തി​ൽ ഉ​ദ്യോ​ഗ​സ്ഥ ത​ല​ത്തി​ലെ ത​യാ​റെ​ടു​പ്പു​ക​ളു​ടെ അ​ഭാ​വം​മൂ​ലം നി​ല​വി​ൽ വ്യാ​പാ​രി​ക​ൾ​ക്ക് നേ​രി​ടേ​ണ്ടി​വ​ന്ന പ്ര​ശ്ന​ങ്ങ​ൾ​ക്കൂ​ടി പ​രി​ഹ​രി​ക്ക​പ്പെ​ടേ​ണ്ട​ത് സം​വി​ധാ​ന​ത്തി​ന്‍റെ വി​ശ്വാ​സ്യ​ത നി​ല​നി​ർ​ത്തു​ന്ന​തി​ന് അ​നി​വാ​ര്യ​മാ​ണ്.

എ​ക്സൈ​സ് ഡ്യൂ​ട്ടി, വാ​റ്റ്, വി​വി​ധ സെ​സു​ക​ൾ എ​ന്നി​വ​ക്കൊ​പ്പം സ​ർ​വി​സ് ടാ​ക്സും ഉ​ൾ​പ്പെ​ടെ 17 ഓ​ളം പ്രാ​ദേ​ശി​ക നി​കു​തി​ക​ൾ കൂ​ട്ടി​ച്ചേ​ർ​ത്ത് 2017ൽ ​ജി.​എ​സ്.​ടി ന​ട​പ്പാ​ക്കു​മ്പോ​ൾ പു​തി​യ സം​വി​ധാ​ന​ത്തി​ന്‍റെ ഭാ​വി സം​ബ​ന്ധി​ച്ച് ഏ​റെ ആ​ശ​ങ്ക​ക​ളാ​ണ് നി​ല​നി​ന്നി​രു​ന്ന​ത്. എ​ന്നാ​ൽ, അ​ഞ്ചാ​ണ്ട് പി​ന്നി​ടു​മ്പോ​ൾ നി​കു​തി പി​രി​വി​ൽ പ്ര​തി​വ​ർ​ഷം ഉ​ണ്ടാ​യി​രി​ക്കു​ന്ന ശ​രാ​ശ​രി വ​ർ​ധ​ന 25-28 ശ​ത​മാ​ന​മാ​ണ്.

ജി.​എ​സ്.​ടി ന​ട​പ്പാ​ക്കു​ന്ന​തി​നു​മു​മ്പ് വാ​റ്റ്, എ​ക്സൈ​സ്, സി.​എ​സ്.​ടി, സെ​സ് എ​ന്നി​വ​യെ​ല്ലാം ചേ​ർ​ത്ത് ശ​രാ​ശ​രി പ്ര​തി​മാ​സ നി​കു​തി വ​രു​മാ​നം ഏ​താ​ണ്ട് 70,000 കോ​ടി രൂ​പ​യാ​യി​രു​ന്നു. എ​ന്നാ​ൽ, ജി.​എ​സ്.​ടി ന​ട​പ്പാ​ക്കി​യ ആ​ദ്യ വ​ർ​ഷ​ത്തെ (2017-18) പ്ര​തി​മാ​സ ശ​രാ​ശ​രി ജി.​എ​സ്.​ടി പി​രി​വു​ത​ന്നെ 82,294 കോ​ടി രൂ​പ​യു​ണ്ട്. തു​ട​ർ​ന്നു​ള്ള വ​ർ​ഷ​ങ്ങ​ളി​ൽ കോ​വി​ഡ് കാ​ലം ഒ​ഴി​ച്ച് ബാ​ക്കി എ​ല്ലാ വ​ർ​ഷ​ങ്ങ​ളി​ലും നി​കു​തി പി​രി​വി​ൽ കാ​ര്യ​മാ​യ വ​ർ​ധ​ന പ്ര​ക​ട​മാ​യി.

2018-19: 98,114 കോ​ടി
2019-20: 101844 കോ​ടി
2020 -21: 94731 കോ​ടി

2021-22: 123608 കോ​ടി എ​ന്നി​ങ്ങ​നെ​യാ​ണ് തു​ട​ർ വ​ർ​ഷ​ങ്ങ​ളി​ലെ പ്ര​തി​മാ​സ ജി.​എ​സ്.​ടി നി​കു​തി പി​രി​വ്. 2022-23ൽ ​പ്ര​തി​മാ​സ നി​കു​തി പി​രി​വ് 150000 കോ​ടി രൂ​പ മ​റി​ക​ട​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​ത്.

പ​രോ​ക്ഷ നി​കു​തി പി​രി​വി​ലു​ണ്ടാ​യ ഈ ​വ​ൻ വ​ർ​ധ​ന​യു​ടെ പ്ര​ധാ​ന കാ​ര​ണ​മാ​യി നി​കു​തി വി​ദ​ഗ്ധ​ർ വി​ല​യി​രു​ത്തു​ന്ന​ത് ജി.​എ​സ്.​ടി ന​ട​പ്പാ​ക്കി​യ​ശേ​ഷം നി​കു​തി വെ​ട്ടി​പ്പ് ഗ​ണ്യ​മാ​യി കു​റ​ഞ്ഞു എ​ന്ന​താ​ണ്. രാ​ജ്യ​ത്തെ സാ​മ്പ​ത്തി​ക വ​ള​ർ​ച്ച​നി​ര​ക്ക് വ​ർ​ധ​ന ജി.​എ​സ്.​ടി ന​ട​പ്പാ​ക്കി​യ ശേ​ഷ​മു​ള്ള വ​ർ​ഷ​ങ്ങ​ളി​ൽ യ​ഥാ​ർ​ഥ​ത്തി​ൽ കു​റ​യു​ക​യാ​ണ് ചെ​യ്ത​ത്. എ​ന്നി​ട്ടും​കൂ​ടി ജി.​എ​സ്.​ടി പി​രി​വി​ൽ 28 ശ​ത​മാ​ന​ത്തോ​ളം വ​ർ​ധ​ന ഉ​ണ്ടാ​യ​ത് പു​തി​യ സം​വി​ധാ​ന​ത്തി​ന് വ്യാ​പാ​ര വാ​ണി​ജ്യ മേ​ഖ​ല ന​ൽ​കി​യ പി​ന്തു​ണ​യാ​ണ് വെ​ളി​വാ​ക്കു​ന്ന​ത്.

ജി.​എ​സ്.​ടി നി​കു​തി പി​രി​വി​ന്‍റെ കാ​ര്യ​ത്തി​ൽ കേ​ര​ള​വും ദേ​ശീ​യ ശ​രാ​ശ​രി​യോ​ട് കി​ട​പി​ടി​ക്കു​ന്ന വ​ള​ർ​ച്ച​യാ​ണ് നേ​ടി​യ​ത്. കോ​വി​ഡ് പ്ര​തി​സ​ന്ധി രൂ​ക്ഷ​മാ​യി ബാ​ധി​ച്ച 2020ൽ ​ഒ​ഴി​ച്ച് ബാ​ക്കി വ​ർ​ഷ​ങ്ങ​ളി​ലെ​ല്ലാം കേ​ര​ള​ത്തി​ലും ജി.​എ​സ്.​ടി പി​രി​വ് വ​ർ​ധ​ന​യാ​ണ് കാ​ണി​ക്കു​ന്ന​ത്. 2021 ജൂ​ലൈ​യി​ൽ 1675 കോ​ടി രൂ​പ​യാ​യി​രു​ന്നു കേ​ര​ള​ത്തി​ന്‍റെ ജി.​എ​സ്.​ടി വ​രു​മാ​നം. 2022 ജൂ​ലൈ​യി​ൽ ഇ​ത് 2161 കോ​ടി രൂ​പ​യാ​യി ഉ​യ​ർ​ന്നു. വ​ർ​ധ​ന 29 ശ​ത​മാ​നം.

ഇ​തോ​ടൊ​പ്പം ചേ​ർ​ത്തു​വാ​യി​ക്കേ​ണ്ട​താ​ണ് ജി.​എ​സ്.​ടി ന​ട​പ്പാ​ക്കി​യ ശേ​ഷം നി​കു​തി നി​ര​ക്കി​ലു​ണ്ടാ​യ കു​റ​വ്. ജി.​എ​സ്.​ടി ന​ട​പ്പാ​ക്കും​മു​മ്പ് വാ​റ്റ്, സി.​എ​സ്.​ടി, എ​ക്സൈ​സ്, സെ​സ് എ​ന്നി​വ​യെ​ല്ലാം​ചേ​ർ​ത്ത് ഒ​രു ഉ​പ​ഭോ​ക്താ​വ് ഉ​ൽ​പ​ന്ന​ങ്ങ​ൾ​ക്ക് ശ​രാ​ശ​രി ന​ൽ​കി​യി​രു​ന്ന​ത് 31 ശ​ത​മാ​നം നി​കു​തി​യാ​യി​രു​ന്നു. എ​ന്നാ​ൽ, ജി.​എ​സ്.​ടി​യി​ൽ ഭൂ​രി​ഭാ​ഗം ഉ​ൽ​പ​ന്ന​ങ്ങ​ളും 12, 18 ശ​ത​മാ​നം നി​കു​തി നി​ര​ക്കി​ൽ വ​രു​ന്ന​വ​യാ​ണ്. ഫ​ല​ത്തി​ൽ ഉ​പ​ഭോ​ക്താ​ക്ക​ളു​ടെ നി​കു​തി​ബാ​ധ്യ​ത ഗ​ണ്യ​മാ​യി കു​റ​ഞ്ഞു.

ജി.​എ​സ്.​ടി ന​ട​പ്പാ​ക്കി​യ​ശേ​ഷം പൊ​തു​വി​ൽ നി​കു​തി​വ​രു​മാ​ന​വ​ർ​ധ​ന കു​തി​ച്ചു​യ​രു​ന്ന പ്ര​വ​ണ​ത​യാ​ണ് കാ​ണി​ക്കു​ന്ന​തെ​ങ്കി​ലും സ്വ​ർ​ണ​ത്തി​ന്‍റെ കാ​ര്യ​ത്തി​ൽ ഇ​ത് തി​രി​ച്ചാ​ണ്.

2017ൽ ​സ്വ​ർ​ണ​ത്തി​ന് ചു​മ​ത്തി​യി​രു​ന്ന വാ​റ്റ് 1.25 ശ​ത​മാ​ന​മാ​യി​രു​ന്നു. എ​ന്നാ​ൽ, ജി.​എ​സ്.​ടി ന​ട​പ്പാ​ക്കി​യ​പ്പോ​ൾ ഇ​ത് മൂ​ന്ന് ശ​ത​മാ​ന​മാ​യി ഉ​യ​ർ​ത്തി. എ​ന്നാ​ൽ, 2016-17ൽ ​കേ​ര​ള​ത്തി​ന് സ്വ​ർ​ണ വി​ൽ​പ​ന​യി​ൽ​നി​ന്ന് വാ​റ്റ് വ​ഴി പ്ര​തി​മാ​സം 630 കോ​ടി രൂ​പ​യോ​ളം നി​കു​തി വ​രു​മാ​നം ല​ഭി​ച്ചി​രു​ന്നു. എ​ന്നാ​ൽ, ജി.​എ​സ്.​ടി ന​ട​പ്പാ​ക്കി​യ​ശേ​ഷം 2017-18ൽ ​ഇ​ത് പ്ര​തി​മാ​സം 200 കോ​ടി​യാ​യി കു​റ​ഞ്ഞു. നി​കു​തി നി​ര​ക്ക് ഇ​ര​ട്ടി​യി​ലേ​റെ വ​ർ​ധി​ച്ച​പ്പോ​ൾ വ​ൻ നി​കു​തി ചോ​ർ​ച്ച​ക്കാ​ണ് വ​ഴി​യൊ​രു​ക്കി​യ​ത്.