ശമ്പളം നൽകാൻ പണമില്ല; മുംബൈയിലെ ഹോട്ടൽ അടച്ചുപൂട്ടി ഹയാത്ത്​

മുംബൈ: നഗരത്തിലെ പ്രശസ്​ത പഞ്ചനക്ഷത്ര ഹോട്ടലായ ഹയാത്ത്​ റീജൻസി ഒരറിയിപ്പുണ്ടാകുന്നത്​ വരെ അടച്ചിട്ടു. ഉടമകളായ ഏഷ്യൻ ഹോട്ടൽസ് (വെസ്റ്റ്) ലിമിറ്റഡ് ശമ്പളത്തിനും മറ്റ്​ പ്രവർത്തനത്തിനങ്ങൾക്കും പണം നൽകാത്തതിനാലാണ്​ ഹോട്ടൽ തൽക്കാലത്തേക്ക്​ പൂട്ടിയിടുന്നത്​. ശമ്പളം നൽകാൻ പണമില്ലെന്ന്​ വ്യക്​തമാക്കി അധികൃതർ ഹോട്ടൽ ജീവനക്കാർക്ക്​ നോട്ടീസ്​ അയക്കുകയായിരുന്നു. ഹയാത്ത് ബുക്കിങ്​ ചാനലുകളിലൂടെ റിസർവേഷനുകൾ സ്വീകരിക്കുന്നതും താൽക്കാലികമായി നിർത്തിവെച്ചതായി മുംബൈയിലെ അന്താരാഷ്ട്ര വിമാനത്താവളത്തിന് സമീപം സ്ഥിതിചെയ്യുന്ന ഹോട്ടൽ അറിയിച്ചു.

ഹോട്ടലുകൾ മാനേജ്​ ചെയ്യുകയും ഫ്രാഞ്ചൈസി ചെയ്യുകയും ചെയ്യുന്ന ഒരു അമേരിക്കൻ ഹോസ്പിറ്റാലിറ്റി കമ്പനിയാണ് ഹയാത്ത്. ഏഷ്യൻ ഹോട്ടൽസിന്​ (വെസ്റ്റ്) വേണ്ടി കരാർ അടിസ്ഥാനത്തിലാണ് മുംബൈയിലുള്ള ഹോട്ടൽ അവർ മാനേജ്​ ചെയ്യുന്നത്. നിലവിലെ സാഹചര്യം പരിഹരിക്കാൻ ഹോട്ടലി​െൻറ ഉടമകളുമായി ചേർന്ന് പ്രവർത്തിക്കുന്നുണ്ടെന്ന്​ ഹയാത്ത് അധികൃതർ അറിയിച്ചു.