ഇന്ത്യ വേഗത്തിൽ വളരുന്ന സാമ്പത്തിക വ്യവസ്ഥയായി മാറുന്നു; വ​ള​ർ​ച്ച നി​ര​ക്ക് ഏ​ഴ് ശ​ത​മാ​ന​മെ​ന്ന് പ്ര​വ​ച​നം

ന്യൂ​ഡ​ൽ​ഹി: ലോ​ക​ത്ത് അ​തി​വേ​ഗ​ത്തി​ൽ വ​ള​രു​ന്ന സ​മ്പ​ദ് വ്യ​വ​സ്ഥ​യാ​യി മാ​റു​ക​യാ​ണ് ഇ​ന്ത്യ​യെ​ന്ന് അ​ന്താ​രാ​ഷ്ട്ര മോ​ണി​റ്റ​റി ഫ​ണ്ട് (ഐ.​എം.​എ​ഫ്). 2024-25 സാ​മ്പ​ത്തി​ക വ​ർ​ഷ​ത്തി​ൽ രാ​ജ്യ​ത്തി​​ന്റെ പ്ര​തീ​ക്ഷി​ക്കു​ന്ന വ​ള​ർ​ച്ച നി​ര​ക്ക് ഏ​ഴു​ശ​ത​മാ​ന​മാ​ണെ​ന്ന് ​ഐ.​എം.​എ​ഫ് ഏ​ഷ്യ -പ​സി​ഫി​ക് വി​ഭാ​ഗം ഡ​യ​റ​ക്ട​ർ കൃ​ഷ്ണ ശ്രീ​നി​വാ​സ​ൻ പ​റ​ഞ്ഞു.

തെ​ര​ഞ്ഞെ​ടു​പ്പു​ക​ളു​ടെ സ​മ്മ​ർ​ദ​ത്തി​ന​പ്പു​റം രാ​ജ്യ​ത്തി​ന്റെ സാ​മ്പ​ത്തി​ക വ​ള​ർ​ച്ച ക്ര​മാ​നു​ഗ​ത​മാ​യി മു​ന്നോ​ട്ടു​പോ​കു​ന്നു. ക​രു​ത​ൽ ധ​ന​വും തൃ​പ്തി​ക​ര​മാ​യ നി​ല​യി​ലാ​ണ്. അ​ടി​സ്ഥാ​ന​ത​ല​ത്തി​ൽ ആ​രോ​ഗ്യ​ക​ര​മാ​യ വ​ള​ർ​ച്ച തു​ട​രു​ന്ന​ത് രാ​ജ്യ​ത്തി​ന് ഗു​ണം ചെ​യ്യു​മെ​ന്നും അ​ദ്ദേ​ഹം വാ​ർ​ത്ത ഏ​ജ​ൻ​സി​യാ​യ പി.​ടി.​ഐ​ക്ക് ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞു.

തൊ​ഴി​ൽ, വ്യാ​പാ​ര​മേ​ഖ​ല​യി​ലെ ത​ട​സ്സ​ങ്ങ​ൾ, അ​ടി​സ്ഥാ​ന സൗ​ക​ര്യ​വി​ക​സ​നം എ​ന്നീ മേ​ഖ​ല​ക​ളി​ൽ രാ​ജ്യം കൂ​ടു​ത​ൽ ശ്ര​ദ്ധ​യൂ​ന്നേ​ണ്ട​തു​ണ്ട്. 2019-20 കാ​ല​ഘ​ട്ട​ത്തി​ൽ അം​ഗീ​ക​രി​ച്ച മാ​ന​ദ​ണ്ഡ​ങ്ങ​ൾ ന​ട​പ്പി​ൽ​വ​രു​ത്തി പു​തി​യ തൊ​ഴി​ലു​ക​ൾ സൃ​ഷ്ടി​ക്കാ​നാ​വ​ണം. ഈ ​മാ​ന​ദ​ണ്ഡ​ങ്ങ​ൾ തൊ​ഴി​ൽ​ദാ​താ​ക്ക​ൾ​ക്ക് ആ​യാ​സം ന​ൽ​കു​ന്ന​തി​​​​നൊ​പ്പം തൊ​ഴി​ലാ​ളി​ക​ൾ​ക്ക് സാ​മൂ​ഹി​ക സു​ര​ക്ഷ​യും ഉ​റ​പ്പു​വ​രു​ത്തു​ന്ന​താ​ണ്. വ്യാ​വ​സാ​യി​ക അ​ന്ത​രീ​ക്ഷം മെ​ച്ച​പ്പെ​ടു​ത്ത​ൽ, സ്ത്രീ​ക​ളു​ടെ തൊ​ഴി​ൽ പ​ങ്കാ​ളി​ത്തം, യു​വാ​ക്ക​ൾ​ക്കി​ട​യി​ലെ തൊ​ഴി​ലി​ല്ലാ​യ്മ എ​ന്നി​വ രാ​ജ്യ​ത്തി​ന് മു​ന്നി​ലു​ള്ള പ്ര​ധാ​ന വെ​ല്ലു​വി​ളി​ക​ളാ​ണെ​ന്നും ശ്രീ​നി​വാ​സ​ൻ പ​റ​ഞ്ഞു.