ഇന്ത്യയുടെ സുവർണ നാളുകൾ വരാനിരിക്കുന്നു -രാകേഷ്​ ജുൻജുൻവാല

ന്യൂഡൽഹി: കോവിഡ്​ 19 വൈറസ്​ ബാധ ആഗോള വ്യാപാരരംഗത്ത്​ കനത്ത തിരിച്ചടിയാണ്​ സൃഷ്​ടിച്ചത്​. ഇന്ത്യയിലും സ്ഥിതി വ്യത്യസ്​തമല്ല. നിരവധി സെക്​ടറുകളുടെ വളർച്ച കുറയുകയും പലതും നെഗറ്റീവിലേക്ക്​ കൂപ്പുകുത്തുകയും ചെയ്​തു. എന്നാൽ, ഇന്ത്യൻ സമ്പദ്​വ്യവസ്ഥക്ക്​ തിരിച്ചുവരാൻ കഴിയുമെന്ന പ്രതീക്ഷ പ്രകടിപ്പിച്ചിരിക്കുകയാണ്​ ഓഹരി നിക്ഷേപക രംഗത്തെ പ്രമുഖനായ രാകേഷ്​ ജുൻജുൻവാല. ഇ.ടി നൗവിന്​ നൽകിയ അഭിമുഖത്തിലാണ്​ അദ്ദേഹത്തി​െൻറ പ്രതികരണം. ഇന്ത്യയുടെ സുവർണ നാളുകളാണ്​ വരാനിരിക്കുന്നതെന്ന്​ അദ്ദേഹം പറഞ്ഞു.

ഉയർച്ച ഓഹരി വിപണിയിൽ മാത്രം ഒതുങ്ങുന്നില്ല. ഇന്ത്യയിൽ മൊത്തത്തിൽ ഉണർവുണ്ടാവും. സമ്പദ്​വ്യവസ്ഥയുടെ തിരിച്ചുവരവ്​ ജനങ്ങൾക്ക്​ അപ്രതീക്ഷിതമായിരിക്കും. വൈകാതെ സുസ്ഥിരത കൈവരിക്കുന്ന ഇന്ത്യൻ സമ്പദ്​വ്യവസ്ഥ പിന്നീട്​ കൂടുതൽ വളരുമെന്നും അദ്ദേഹം വ്യക്​തമാക്കി.

കോവിഡിനൊപ്പം ജീവിക്കാൻ രാജ്യത്തെ ജനങ്ങൾ ശീലിച്ചു തുടങ്ങിയിട്ടുണ്ട്​. കോവിഡ്​ മൂലമുണ്ടാകുന്ന മരണവും കുറയുകയാണ്​. രോഗബാധ സ്ഥിരീകരിക്കുന്നവരിൽ ഗുരുതര ലക്ഷണമുള്ളവരു​െട എണ്ണം കുറയുകയാണ്​. ഇത്​ സമ്പദ്​വ്യവസ്ഥക്ക്​ ഗുണകരമാവുമെന്നും ജുൻജുൻവാല പറഞ്ഞു.