![Indian Oil promotes e fuel vouchers as perfect wedding gifts Indian Oil promotes e fuel vouchers as perfect wedding gifts](https://www.madhyamam.com/h-upload/2021/11/29/1301072-indian-oil-promotes-e-fuel-vouchers-as-perfect-wedding-gifts.webp)
ആഘോഷങ്ങൾക്ക് ഇനി ഏറ്റവും 'വിലകൂടിയ' സമ്മാനമാകാം; ഫ്യൂവൽ വൗച്ചർ പുറത്തിറക്കി ഇന്ത്യൻ ഓയിൽ
text_fieldsന്യൂഡൽഹി: പ്രിയപ്പെട്ടവരുടെ വിവാഹത്തിനോ ജന്മദിനത്തിനോ എന്ത് സമ്മാനം നൽകുമെന്ന ആശങ്കയിലാണോ? എന്നാൽ, എല്ലാവർക്കും ഉപകാരപ്രദമായ ഒരു സമ്മാനം നൽകാനുള്ള പദ്ധതിയുമായി രംഗത്തെത്തിയിരിക്കുകയാണ് ഇന്ത്യൻ ഓയിൽ കോർപറേഷൻ.
വൺസ് ഫോർ യു എന്ന ഇലക്ട്രിക് ഫ്യൂവൽ വൗച്ചർ പുറത്തിറക്കിയതായി ട്വിറ്ററിലൂടെ അറിയിച്ചിരിക്കുകയാണ് കമ്പനി. ഓൺലൈനായി വൗച്ചറുകൾ സ്വന്തമാക്കാം. 'വിവാഹങ്ങൾക്ക് നൽകാവുന്ന മികച്ച സമ്മാനം' കൂടാതെ മേറ്റതെങ്കിലും ആഘോഷങ്ങൾക്ക് സമ്മാനിക്കാവുന്ന പാരിതോഷികം എന്ന വാക്യങ്ങളോടെയാണ് പരസ്യം.
ഓൺലൈനായി വാങ്ങാനും ഡിജിറ്റലായി നൽകാനും കഴിയുന്ന ഇ -ഫ്യൂവൽ വൗച്ചർ പദ്ധതിയാണ് ഐ.ഒ.സി അവതരിപ്പിച്ചിരിക്കുന്നത്.
'നിങ്ങളുടെ പ്രിയപ്പെട്ടവരുടെ പുതിയ തുടക്കങ്ങൾ കൂടുതൽ മനോഹരമാക്കാം. വിവാഹം ആഘോഷമാക്കാൻ പറ്റിയ സമ്മാനം. ഐ.ഒ.സിയുടെ One4U e Fuel വൗച്ചർ ഇന്നുതന്നെ സ്വന്തമാക്കൂ. നിങ്ങളുടെ സ്നേഹവും അനുഗ്രഹവും കൊണ്ട് അവരുടെ ജീവിതം സമ്പന്നമാക്കൂ' -ഐ.ഒ.സി ട്വിറ്ററിൽ കുറിച്ചു.
500 രൂപയുടേതാണ് ഏറ്റവും കുറഞ്ഞ ഇന്ധന വൗച്ചർ. 10,000 രൂപയുടേതാണ് ഏറ്റവും വില കൂടിയ വൗച്ചർ. 1000, 2000, 5000 രൂപയുടെ വൗച്ചറുകളും ലഭ്യമാണ്.
കൂടാതെ ഡിസ്കൗണ്ടും കമ്പനി വാഗ്ദാനം ചെയ്യുന്നു. one4u.easyfuel.in വെബ്സൈറ്റിലൂടെ വൗച്ചർ സ്വന്തമാക്കാം. അതേസമയം, കമ്പനിയുടെ പുതിയ വൗച്ചർ പദ്ധതിയെ രസകരമായ കമന്റുകേളാടെയാണ് സമൂഹമാധ്യമങ്ങൾ സ്വീകരിച്ചത്. ഏറ്റവും വിലകൂടിയ സമ്മാനം ഇതിലൂടെ നൽകാൻ സാധിക്കുമെന്നാണ് മിക്കവരുടെയും പ്രതികരണം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.