ഗിഫ്​റ്റ്​ കാർഡുമായി എൽ.ഐ.സി

മുംബൈ: എൽ.ഐ.സി കാർഡ്​ സർവീസ്​ ഗിഫ്​റ്റ്​ കാർഡ്​ പുറത്തിറക്കുന്നു. ഐ.ഡി.ബി.ഐ ബാങ്കുമായി സഹകരിച്ച്​ റൂപേ പ്ലാറ്റ്​ഫോമിലാണ്​ ഷാഗുൻ എന്ന്​ പേരിട്ടിരിക്കുന്ന ഗിഫ്​റ്റ്​ കാർഡ്​ പുറത്തിറക്കുന്നത്​. പണരഹിത ഇടപാടുകൾ പ്രോൽസാഹിപ്പിക്കുന്നതി​െൻറ ഭാഗമായാണ്​ നടപടിയെന്ന്​ എൽ.ഐ.സി കാർഡ്​സ്​ വിശദീകരിച്ചു.

ആദ്യഘട്ടത്തിൽ എൽ.ഐ.സിയുടേയും സഹ കമ്പനികളുടേയും ഔദ്യോഗിക ആവശ്യങ്ങൾക്കായിരിക്കും ഗിഫ്​റ്റ്​ കാർഡ്​ ഉപയോഗിക്കുക. 500 മുതൽ 10,000 രൂപ വരെ ഗിഫ്​റ്റ്​ കാർഡിൽ നൽകാം. മൂന്ന്​ വർഷത്തിനിടയിൽ നിരവധി തവണ ഗിഫ്​റ്റ്​ കാർഡ്​ ഉപയോഗിക്കാമെന്നും എൽ.ഐ.സി അറിയിച്ചു.

റുപേയുടെ പിന്തുണയുള്ളതിനാൽ രാജ്യത്തെ ലക്ഷകണക്കിന്​ വ്യാപാര സ്ഥാപനങ്ങളിലും നിരവധി ഇ-കോമേഴസ്​ വെബ്​സൈറ്റുകളിലും കാർഡ്​ ഉപയോഗിക്കാം. പെട്രോൾ പമ്പ്​, റസ്​റ്ററൻറുകൾ, ജ്വല്ലറി തുടങ്ങി എല്ലായിടത്തും കാർഡ്​ ഉപയോഗിച്ച്​ പർച്ചേസ്​ ചെയ്യാം. യൂട്ടലിറ്റി ബിൽ പേയ്​മെൻറിനും എയർ, റെയിൽ, ബസ്​ ടിക്കറ്റ്​ ബുക്കിങ്ങിനും കാർഡ്​ ഉപയോഗിക്കാം.