ലക്ഷ്​മിവിലാസ്​ ബാങ്കിൽ നിന്നും പണം പിൻവലിക്കുന്നതിനുള്ള നിയന്ത്രണം നീക്കി; ഇനി പ്രവർത്തനം ഡി.ബി.എസ്​ ബാങ്കായി

ന്യൂഡൽഹി: ലക്ഷ്​മിവിലാസ്​ ബാങ്കിൽ നിന്ന്​ പണം പിൻവലിക്കുന്നതിനുള്ള നിയന്ത്രണം ആർ.ബി.ഐ നീക്കി. നവംബർ 27 മുതൽ ബാങ്കിൽ നിന്നും സാധാരണ പോലെ പണം പിൻവലിക്കാം. ലക്ഷ്​മിവിലാസ്​ ബാങ്കി​േൻറയും ഡി.ബി.എസ് ബാങ്കി​േൻറയും ലയനത്തിനും കേ​ന്ദ്രബാങ്ക്​ അനുമതി നൽകി. ഇനി ലക്ഷ്​മിവിലാസ്​ ബാങ്ക്​ ശാഖകൾ ഡി.ബി.എസ്​ ശാഖകളായിട്ടാവും പ്രവർത്തിക്കുക.

ലക്ഷ്​മിവിലാസ്​ ബാങ്കിനെ സിംഗപ്പൂർ കേന്ദ്രമാക്കി പ്രവർത്തിക്കുന്ന ഡി.ബി.എസ്​ ബാങ്ക്​ ഏറ്റെടുക്കുന്നത്​ സംബന്ധിച്ച്​ കേന്ദ്രമന്ത്രിസഭ ചർച്ച ചെയ്യുകയും ഇടപാടിന്​ അനുമതി നൽകുകയും ചെയ്​തിരുന്നു. ബാങ്കിൽ നിന്ന്​ പണം പിൻവലിക്കുന്നതിനുളള നിയന്ത്രണങ്ങൾ മാറ്റുമെന്ന്​ കേന്ദ്രമന്ത്രി പ്രകാശ്​ ജാവ്​ദേക്കറും അറിയിച്ചു. ബാങ്ക്​ ലയനം ഇന്ത്യൻ സമ്പദ്​വ്യവസ്ഥയെ ശുദ്ധീകരിക്കുമെന്നും അദ്ദേഹം പറഞ്ഞു.

പുതുതായി 2,500 കോടിയുടെ മൂലധനം ലക്ഷ്​മിവിലാസ്​ ബാങ്കിൽ ഡി.ബി.എസ്​ നിക്ഷേപിക്കും. നേരത്തെ ലക്ഷ്​മിവിലാസ്​ ബാങ്കിൽ നിന്നും പിൻവലിക്കാവുന്ന തുക 25,000 രൂപയാക്കി ആർ.ബി.ഐ നിജപ്പെടുത്തിയിരുന്നു. ബാങ്കി​െൻറ ബോർഡ്​ പിരിച്ചുവിട്ട്​ കനറ ബാങ്ക്​ മുൻ നോൺ എക്​സിക്യൂട്ടീവ് ചെയർമാൻ​ മനോഹരന്​ ഒരു മാസത്തേക്ക്​ ഭരണച്ചുമതല നൽകുകയും ചെയ്​തിരുന്നു.