സെൽഫ് ഡ്രൈവിങ് വാഹനം; 10 കോടി റിയാൽ നിക്ഷേപിക്കുമെന്ന് നിയോം
text_fieldsRepresentational Images
ജിദ്ദ: സെൽഫ് ഡ്രൈവിങ് വാഹന മേഖലയിലെ പ്രമുഖ കമ്പനിയായ പോണി എ.െഎയിൽ 10 കോടി റിയാൽ നിക്ഷേപിക്കുമെന്ന് നിയോം. പുതുതായി രൂപവത്കരിച്ച നിയോം നിക്ഷേപ ഫണ്ടാണ് നിക്ഷേപം നടത്തുന്നത്. സെൽഫ് ഡ്രൈവിങ് വാഹനങ്ങൾ നിർമിക്കുക, ഈ വ്യവസായവുമായി ബന്ധപ്പെട്ട സാങ്കേതിക വിദ്യകൾ വികസിപ്പിക്കുക, നിയോം, മിഡിലീസ്റ്റ്, നോർത്ത് ആഫ്രിക്ക മേഖലകളിൽ നൂതന സേവനങ്ങൾ നൽകുക എന്നിവ ലക്ഷ്യമിട്ടാണിത്. ഈ പങ്കാളിത്തത്തിലൂടെ, നിയോമും പോണി എ.െഎയും സെൽഫ് ഡ്രൈവിങ് വാഹനങ്ങൾ നിർമിച്ച് വിതരണം ചെയ്യും.
നിയോമിൽ നൂതന വാഹനങ്ങളും സ്മാർട്ട് വാഹന അടിസ്ഥാന സൗകര്യങ്ങളും നിർമിക്കുകയും വികസിപ്പിക്കുകയും ചെയ്യും. ഈ സേവനങ്ങൾ മിഡിലീസ്റ്റ്, നോർത്ത് ആഫ്രിക്ക മേഖലയിലെ പ്രധാന വിപണികളിൽ എല്ലാമെത്തും. മേഖലയിൽ സ്വയം ഡ്രൈവിങ് യാത്രാപരിഹാരങ്ങൾ നൽകുന്നതിനായി നിയോം പ്രഖ്യാപിച്ച അഭിലാഷ പദ്ധതികൾക്ക് അനുസൃതമാണ് ഈ നിക്ഷേപമെന്ന് നിയോം നിക്ഷേപ ഫണ്ട് സി.ഇ.ഒ മജീദ് മുഫ്തി പറഞ്ഞു.പോണി എ.ഐയുടെ സ്വയം ഡ്രൈവിങ് സാങ്കേതികവിദ്യ ഇപ്പോൾ ലഭ്യമാണ്. സമീപഭാവിയിൽ അവ നിയോമിൽ ഉപയോഗിക്കുന്നതിൽ ഞങ്ങൾ സന്തുഷ്ടരാണെന്നും സി.ഇ.ഒ പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.