സംസ്ഥാനത്ത് പെട്രോൾ വില റെക്കോഡിൽ; ഡീസൽ വിലയിലും വർധന

കൊച്ചി: ഡീസൽ വിലക്ക് പിന്നാലെ സംസ്ഥാനത്ത് പെട്രോൾ വിലയും റെക്കോഡിൽ. ലിറ്ററിന് 35 പൈസയാണ് വർധിച്ചത്. കൊച്ചിയിൽ 86.32 രൂപയും തിരുവനന്തപുരത്ത് 88 രൂപയുമാണ് വില.

2018 ഒക്ടോബറിലാണ് പെട്രോൾ വില മുമ്പ് റെക്കോഡിലെത്തിയത്. ലിറ്ററിന് 85.99 രൂപയായിരുന്നു അന്ന് വില.

ഡീസൽ ലിറ്ററിന് 37 പൈസയും വില വർധിച്ചു. കൊച്ചിയിൽ ഡീസൽ ലിറ്ററിന് 80.51 രൂപയും തിരുവനന്തപുരത്ത് 82.14 രൂപയുമാണ് വില.