കെ.എസ്​.ആർ.ടി.സിക്ക് റെക്കോഡ്​ കലക്ഷൻ; നേ​ട്ടം അ​വ​ധി​ക്ക്​ ശേ​ഷ​മു​ള്ള ആ​ദ്യ പ്ര​വൃ​ത്തി​ ദി​നത്തിൽ

തി​രു​വ​ന​ന്ത​പു​രം: കെ.​എ​സ്.​ആ​ർ.​ടി.​സി​യു​ടെ പ്ര​തി​ദി​ന വ​രു​മാ​നം സ​ർ​വ​കാ​ല റെ​ക്കോ​ഡി​ലേ​ക്ക്. തു​ട​ർ​ച്ച​യാ​യ അ​വ​ധി​ക്ക്​ ശേ​ഷ​മു​ള്ള ആ​ദ്യ പ്ര​വൃ​ത്തി​ദി​ന​മാ​യ തി​ങ്ക​ളാ​ഴ്ച​യാ​ണ്​ പ്ര​തി​ദി​ന വ​രു​മാ​നം 9.22 കോ​ടി രൂ​പ എ​ന്ന നേ​ട്ടം കൊ​യ്ത​ത്. 2023 ഡി​സം​ബ​ർ 23ന് ​നേ​ടി​യ 9.06 കോ​ടി​യെ​ന്ന നേ​ട്ട​മാ​ണ് തി​ങ്ക​ളാ​ഴ്ച മ​റി​ക​ട​ന്ന​ത്.

ശ​ബ​രി​മ​ല സ്പെ​ഷ​ൽ സ​ർ​വി​സു​ക​ൾ​ക്കൊ​പ്പം ജ​ന​റ​ൽ സ​ർ​വി​സു​ക​ൾ കൃ​ത്യ​മാ​യി ഓ​പ​റേ​റ്റ്​ ചെ​യ്ത​തും ന​ഷ്ട​ട്രി​പ്പു​ക​ൾ ഒ​ഴി​വാ​ക്കി​യ​തു​മാ​ണ്​ നേ​ട്ട​ത്തി​ന്​ കാ​ര​ണം. മു​ൻ​കൂ​ട്ടി ഓ​ൺ​ലൈ​ൻ റി​സ​ർ​വേ​ഷ​ൻ സം​വി​ധാ​നം ഏ​ർ​പ്പെ​ടു​ത്തി​യ​തി​ന്​ പു​റ​​മേ വെ​ള്ളി, ശ​നി, ഞാ​യ​ർ ദി​വ​സ​ങ്ങ​ളി​ലെ അ​ധി​ക സ​ർ​വി​സു​ക​ളും വീ​ക്കെ​ൻ​ഡ് സ​ർ​വി​സു​ക​ളും ഏ​ർ​പ്പെ​ടു​ത്തി​യി​രു​ന്നു.

പു​തു​താ​യി ആ​രം​ഭി​ച്ച തി​രു​വ​ന​ന്ത​പു​രം-​കോ​ഴി​ക്കോ​ട്-​ക​ണ്ണൂ​ർ സ​ർ​വി​സും ജ​ന​പ്രി​യ​മാ​ണെ​ന്നാ​ണ്​ മാ​നേ​ജ്​​മെ​ന്‍റ്​ വി​ല​യി​രു​ത്ത​ൽ. മു​ഴു​വ​ൻ ജീ​വ​ന​ക്കാ​രെ​യും സൂ​പ്പ​ർ​വൈ​ർ​മാ​രെ​യും ഓ​ഫി​സ​ർ​മാ​രെ​യും ഗ​താ​ഗ​ത​മ​ന്ത്രി കെ.​ബി. ഗ​ണേ​ഷ്​​കു​മാ​റും സി.​എം.​ഡി പ്ര​മോ​ജ്​ ശ​ങ്ക​റും അ​നു​മോ​ദി​ച്ചു.