സ്വർണത്തിൽ നിക്ഷേപിച്ചവർക്ക്​ ഉറക്കമില്ലാ രാത്രികൾ; തിളങ്ങിയും മങ്ങിയും വില

അത്യാവശ്യമില്ലാത്ത കുറച്ച്​ പണം കൈയിൽ വ​ന്നെത്തിയെന്ന്​ സങ്കൽപിക്കുക. ആ പണം സ്വർണത്തിൽ നിക്ഷേപിച്ചുവെന്നും കരുതുക. എങ്കിൽ നിങ്ങൾക്ക്​കഴിഞ്ഞ വാരം സമ്മാനിച്ചത്​ ഉറക്കമില്ലാ രാത്രികളാകും. നിക്ഷേപമെന്ന നിലക്ക്​ സ്വർണം വാങ്ങിവെച്ചവരെല്ലാം ചങ്കിടി​േപ്പാടെ നോക്കിക്കണ്ട ദിവസങ്ങളാണ്​ കടന്നുപോകുന്നത്​.

ആഗസ്​റ്റ്​ ഏഴിന്​ നിക്ഷേപമെന്ന നിലക്ക്​ ഒരാൾ 10 പവൻ സ്വർണം വാങ്ങിയെങ്കിൽ അയാളുടെ മുടക്കുമുതൽ നികുതികൂടാതെ 4.2 ലക്ഷം രൂപ ആകുമായിരുന്നു. ആ നിക്ഷേപം ഇ​േപ്പാൾ വിൽക്കാൻ നിർബന്ധിതനായാൽ, കിട്ടുക 3.6 ലക്ഷവും. ഒറ്റമാസം​െകാണ്ട്​ വന്ന ചോർച്ച 60,000 രൂപ. നികുതിയും വിൽപന കമീഷനും വേറെയും. അതുകൂടി കൂട്ടു​േമ്പാൾ നഷ്​ടം 70,000 കടക്കും.

ഇതേ നിക്ഷേപം കഴിഞ്ഞ ജനുവരിയിലാണ്​ നടത്തിയതെന്ന്​ സങ്കൽപിക്കുക. അന്ന്​ 10 പവൻ സ്വർണത്തിന്​ മുടക്കേണ്ടി വന്നിരിക്കുക മൂന്നുലക്ഷം. ആഗസ്​റ്റിൽ വിറ്റിരുന്നുവെങ്കിൽ ലഭിക്കുക നാലുലക്ഷം രൂപയും. ഇപ്പോൾ വിറ്റാൽ കിട്ടുക 3.6 ലക്ഷവും. ​അതെ, കണക്കി​െൻറ കളിയാണ്​ സ്വർണ നിക്ഷേപവും. ​േനാക്കിയും കണ്ടും ചെയ്​തില്ലെങ്കിൽ കൈപൊള്ളും.

നെഞ്ചിടിപ്പി​െൻറ നാളുകൾ

കോവിഡ്​ രംഗം കൈയടക്കിയതോടെ ലോക ഒാഹരി വിപണികൾ മൂക്കുകുത്തിയിരുന്നു. ഒാഹരിയിൽ നിക്ഷേപിച്ചവർ കളം മാറ്റിച്ചവിട്ടി. സു​രക്ഷിത നിക്ഷേപമെന്ന നിലയിൽ മിക്കവരും തിരിഞ്ഞത്​ സ്വർണത്തിലേക്ക്​. സ്വർണവില വെച്ചടി കയറി. ആഗസ്​റ്റ്​ ഏഴിന്​ പവന്​ 42,000 രൂപ എന്ന നിലയിലെത്തി. അത്​ ആഭരണ നിർമാണത്തിന്​ ഉപയോഗിക്കുന്ന 91.6​െൻറ വില. നിക്ഷേപമെന്ന നിലക്ക്​ വാങ്ങുന്ന സ്വർണ​ നാണയത്തി​െൻറ മാറ്റ്​ 99.9 ആണ്​. മാറ്റ്​ കൂടു​േമ്പാൾ​ വിലയും വർധിക്കും.

ഏതായാലും കുത്തനെ കയറിയ സ്വർണവില പിന്നെയങ്ങ്​ ഇറങ്ങുകയായിരുന്നു. ഒന്നരമാസം കൊണ്ട്​ വിലയിടിഞ്ഞത്​ പവന്​ 5280 രൂപ. കഴിഞ്ഞയാഴ്​ച മൂന്നു​ ദിവസംകൊണ്ട്​ ഒരു പവന്​ വിലയിടിഞ്ഞത്​ 1440 രൂപ. ദോഷം പറയരുതല്ലോ, വില കുതിച്ചുയരുന്നത്​ കണ്ട്​ നെഞ്ചത്തടിച്ച പെൺമക്കളുള്ള വീട്ടുകാരെല്ലാം ഒന്ന്​ നേരാംവണ്ണം ശ്വാസംവിട്ടത്​ ഇപ്പോഴാണ്​.

കോവിഡ്​ മുതൽ അമേരിക്കൻ തെരഞ്ഞെടുപ്പ്​ വരെ

ഇപ്പോൾ വില വർധിപ്പിക്കുന്നത്​ കോവിഡും വില കുറക്കുന്നത്​ അമേരിക്കൻ തെരഞ്ഞെടുപ്പുമാണ്​. ​അമേരിക്കയടക്കമുള്ള രാജ്യങ്ങളിൽ കോവിഡ്​ കുതിച്ചുയർന്നപ്പോൾ ഒാഹരികൾ തകർന്നു. അതോടെ, ആഗോള തലത്തിൽതന്നെ നിക്ഷേപകർ സ്വർണത്തിലേക്ക്​ തിരിഞ്ഞു. 31.1 ഗ്രാം തൂക്കം വരുന്ന ഒരു ട്രോയ്​ ഒൗൺസ്​ സ്വർണത്തി​െൻറ വില 2080 ​േഡാളർ വരെയായി ഉയർന്നു. പിന്നപ്പിന്നെ യൂറോപ്യൻ രാജ്യങ്ങൾ ​േകാവിഡിനെ പിടിച്ചുകെട്ടാൻ തുടങ്ങി. അതോടെ, ഒാഹരി വിപണി തിരിച്ചുവരവി​െൻറ ലക്ഷണങ്ങൾ കാണിച്ചു. സ്വർണവില 1860 ​േഡാളറിലേക്ക്​ ഇടിഞ്ഞു. വീണ്ടും യൂറോപ്യൻ രാജ്യങ്ങളിൽ കോവിഡ്​ ശക്​തിപ്രാപിക്കുന്ന സൂചനകൾ പുറത്തുവന്നതോടെ, ഒാഹരി ചാഞ്ചാടാനും തുടങ്ങി.

അതിനിടെയാണ്​, അമേരിക്കൻ തെരഞ്ഞെടുപ്പി​െൻറ കേള​ികൊട്ട്​. പുതിയ ഗവൺമെൻറി​െൻറ നയം സംബന്ധിച്ച്​ ചർച്ച മുറുകുകയാണ്​. പുതിയ ഗവൺമെൻറ്​ പലിശ ഉയർത്തിയാൽ ഡോളറി​െൻറ നില ശക്തിപ്പെടും. ഒാഹരി വിപണികളും ഉണരും. സ്വർണവില പതുക്കെ കുറയും. മറിച്ചായാൽ സ്വർണവില ഉയരും. അമേരിക്കൻ തെരഞ്ഞെടുപ്പ്​ നവംബർ നാലിനാണ്​. അതുവരെ സ്വർണ വിലയിലെ ചാഞ്ചാട്ടം തുടരുമെന്ന്​ വ്യക്തം. ആഗസ്​റ്റിലെ ഏറ്റവും ഉയർന്ന നിലയായ 2080 ​േഡാളറിൽനിന്ന്​ ഇപ്പോൾ എത്തിനിൽക്കുന്നത്​ 1860 ഡോളറിലേക്ക്. ശതമാനക്കണക്കിൽ പറഞ്ഞാൽ, 10.57 ശതമാനം വില കുറഞ്ഞു. അമേരിക്കൻ തെരഞ്ഞെടുപ്പി​െൻറ അനിശ്ചിതത്വത്തി​െൻറ പേരിൽ, ഇനിയൊരു അഞ്ചു ശതമാനത്തിനടുത്ത്​ വരെ വില കുറയാനും സാധ്യതയുണ്ട്​ എന്നാണ്​ വിലയിരുത്തൽ.

പരിഭ്രാന്തരാകേണ്ട, കാത്തിരിക്കാം

നിക്ഷേപ രംഗത്തിറങ്ങുന്നവർക്ക്​ അത്യാവശ്യം വേണ്ട ഒന്നുണ്ട്; ക്ഷമ. വില കുറയുന്നതുകണ്ട്​ പരിഭ്രാന്തരായി കൂട്ടമായി വിൽപനക്കിറങ്ങിയാൽ വില പിന്നെയും ഇടിയും. എന്നാൽ, ക്ഷമയോടെ കാത്തിരുന്നാൽ മുടക്കുമുതലും ലാഭവും തിരിച്ചുകിട്ടുകയും ചെയ്യും. ഉദാഹരണത്തിന്​ 2018ൽ ഒരു ട്രോയ്​ ഒൗൺസ്​ സ്വർണത്തി​െൻറ വില 1268 ഡോളറായിരുന്നു. 2019ൽ അത്​ 1392 ഡോളറും. അവിടെനിന്നാണ്​ 2020ൽ 2080 ഡോളറിലേക്ക്​ ഉയർന്നത്​.