ചൈനീസ്​ കമ്പനികൾ വിവരം ചോർത്തുന്നുവെന്ന്​; വാവെയെയും ചൈനാ ടെലികോമിനെയും വിലക്കി അമേരിക്ക

വാഷിങ്​ടൺ: വിവരങ്ങൾ ചോർത്തുന്നുവെന്ന്​ ആരോപിച്ച്​ ചൈനീസ്​ കമ്പനികളായ വാവെയ്​, ചൈന ടെലികോം എന്നിവയുടെ പ്രവർത്തനം അമേരിക്കൻ ഫെഡറൽ കമ്യൂണിക്കേഷൻ കമീഷൻ (എഫ്​.സി.സി) തടഞ്ഞു. ദേശീയ സുരക്ഷ ഉറപ്പുവരുത്താനാണ്​ നടപടിയെന്ന്​ കമീഷൻ അറിയിച്ചു. വാവെയുടെ ഉൽപന്നങ്ങൾ മുഴുവൻ മാറ്റാനും അമേരിക്കയിൽ ചൈന ടെലികോമി​െൻറ പ്രവർത്തനം തടയാനുമാണ്​ നിർദേശം.

വാവെയും ചൈന ടെലികോമും സൈബർ സുരക്ഷയോ സ്വകാര്യതയോ ഉറപ്പുവരുത്തുന്നില്ലെന്ന്​ സുരക്ഷാ ഏജൻസികൾ മുന്നറിയിപ്പ്​ നൽകിയിട്ടുണ്ടെന്ന്​ എഫ്​.സി.സി ചെയർമാൻ അജിത്​ പൈ പറഞ്ഞു. ചൈനീസ്​ സർക്കാറി​െൻറ ചാരപ്രവർത്തനത്തിനും ഈ കമ്പനികളെ ഉപ​േയാഗിക്കുന്നുണ്ടെന്ന്​ അദ്ദേഹം പറഞ്ഞു.

സബ്​സിഡി ഉപയോഗിച്ച്​ വാവെയുടെ ഉൽപന്നങ്ങൾ വാങ്ങുന്നത്​ കഴിഞ്ഞ വർഷം തന്നെ എഫ്​.സി.സി തടഞ്ഞിരുന്നു. സുരക്ഷാ കാരണങ്ങൾ ചൂണ്ടികാട്ടിയാണ്​ അന്ന്​ നടപടി എടുത്തത്​. ഇപ്പോൾ നടപടി കടുപ്പിക്കുകയാണ്​ എഫ്​.സി.സി.

ലോകത്താകെ 35 കോടിയോളം ഉപഭോക്​താക്കളുള്ള കമ്പനിയാണ്​ ചൈന ടെലികോം. ലോകത്തെ ഏറ്റവും വലിയ ബ്രോഡ്​ബാൻറ്​ ഒാപറേറ്റർ എന്ന്​ വിശേഷണമുള്ള ചൈന ടെലികോം കമ്പനി ചൈനീസ്​ കമ്യൂണിസ്​റ്റ്​ പാർട്ടിയുടെ നിയന്ത്രണത്തിലാണെന്നും ഇത്​ അമേരിക്കയുടെ സുരക്ഷക്ക്​ ഭീഷണിയാണെന്നുമാണ്​ യു.എസ്​. എഫ്​.സി.സി പറയുന്നത്​. ​ എന്നാൽ, എഫ്​.സി.സിയുടെ ആരോപണങ്ങൾ കമ്പനികൾ നിഷേധിച്ചിട്ടുണ്ട്​.

എഫ്​.സി.സിയിലെ ഡെമോക്രാറ്റ്​ അംഗങ്ങളും ചൈനീസ്​ കമ്പനികൾക്കെതിരായ നിലപാടിന്​ അനുകൂലമായാണ്​ വോട്ട്​ ചെയ്​തത്​. പ്രസിഡൻറ്​ ട്രംപി​െൻറയും റിപ്പബ്ലിക്കൻ പാർട്ടിയുടെയും ചൈനാ വിരുദ്ധ നിലപാട്​ ഈയടുത്ത് രൂക്ഷമായിരുന്നു. ഡെമോക്രാറ്റ്​ പ്രതിനിധി ജോ ബൈഡ​ൻ ജനുവരിയിൽ അധികാരമേൽക്കു​േമ്പാഴും ചൈനാവിരുദ്ധ നിലപാടിൽ ഇളവുണ്ടാകാൻ സാധ്യതയില്ലെന്നതി​െൻറ സൂചനയാണ്​ ഡെമോക്രാറ്റ്​ പ്രതിനിധികളുടെ വോട്ട്​.