ഇ​ന്ത്യ-​യു.​എ.​ഇ ക​റ​ൻ​സി​ക​ൾ ഉ​പ​യോ​ഗി​ച്ച്​ വ്യാ​പാ​ര ഇ​ട​പാ​ട്​ പ്രാ​വ​ർ​ത്തി​ക​മാ​ക്കും

ദു​ബൈ: സ​മ​ഗ്ര സാ​മ്പ​ത്തി​ക ക​രാ​ർ നി​ല​വി​ൽ വ​ന്ന സാ​ഹ​ച​ര്യ​ത്തി​ൽ ദി​ർ​ഹ​വും രൂ​പ​യും ഉ​പ​യോ​ഗി​ച്ചു​ള്ള ഇ​ട​പാ​ടു​ക​ൾ പ്രാ​വ​ർ​ത്തി​ക​മാ​ക്കാ​നു​റ​ച്ച് ഇ​ന്ത്യ​യും യു.​എ.​ഇ​യും. മും​ബൈ​യി​ൽ സ​മാ​പി​ച്ച നി​ക്ഷേ​പം സം​ബ​ന്ധി​ച്ച ഇ​ന്ത്യ-​യു.​എ.​ഇ ഉ​ന്ന​ത​ത​ല ടാ​സ്ക്ഫോ​ഴ്സ് യോ​ഗ​ത്തി​ലാ​ണ് ധാ​ര​ണ. ഡോ​ള​റി​ന്​ പ​ക​രം ഇ​രു​രാ​ജ്യ​ങ്ങ​ളു​ടെ​യും ക​റ​ൻ​സി​ക​ൾ സ​ജീ​വ​മാ​ക്കാ​നാ​ണ്​ തീ​രു​മാ​നം. ഇ​രു രാ​ജ്യ​ങ്ങ​ളി​ലെ​യും ബാ​ങ്കു​ക​ൾ​ക്കി​ട​യി​ൽ ഇ​തു​സം​ബ​ന്ധി​ച്ച ച​ർ​ച്ച പു​രോ​ഗ​മി​ക്കു​ക​യാ​ണ്.

സ​മ​ഗ്ര സാ​മ്പ​ത്തി​ക ക​രാ​ർ നി​ല​വി​ൽ വ​ന്ന​തോ​ടെ ക​യ​റ്റി​റ​ക്കു​മ​തി​യി​ൽ ഇ​രു രാ​ജ്യ​ങ്ങ​ൾ​ക്കും വ​ൻ​മു​ന്നേ​റ്റം പ്ര​ക​ട​മാ​ണ്. ന​ട​പ്പു​വ​ർ​ഷം ത​ന്നെ ല​ക്ഷ്യം പൂ​ർ​ത്തീ​ക​രി​ക്കാ​ൻ സാ​ധി​ക്കു​മെ​ന്ന് ഇ​രു രാ​ജ്യ​ങ്ങ​ളും പ്ര​ത്യാ​ശ പ്ര​ക​ടി​പ്പി​ച്ചു. അ​ത​ത് രാ​ജ്യ​ങ്ങ​ളു​ടെ ക​റ​ൻ​സി​ക​ളി​ലൂ​ടെ ഉ​ഭ​യ​ക​ക്ഷി വ്യാ​പാ​രം എ​ന്ന ല​ക്ഷ്യ​ത്തി​ലേ​ക്കു​ള്ള യാ​ത്ര എ​ളു​പ്പ​മാ​ക്കും. റി​സ​ർ​വ് ബാ​ങ്ക് ഓ​ഫ് ഇ​ന്ത്യ​യും യു.​എ.​ഇ സെ​ൻ​ട്ര​ൽ ബാ​ങ്കും ത​മ്മി​ൽ ഇ​തു​സം​ബ​ന്ധി​ച്ച ച​ർ​ച്ച അ​ന്തി​മ ഘ​ട്ട​ത്തി​ലാ​ണ്. യു.​എ.​ഇ ക​മ്പ​നി​ക​ൾ ഇ​ന്ത്യ​യി​ൽ നേ​രി​ടു​ന്ന ഏ​തൊ​രു പ്ര​ശ്ന​വും സ​മ​യ​ബ​ന്ധി​ത​മാ​യി പ​രി​ഹ​രി​ക്കാ​ൻ പ്ര​ത്യേ​ക ടാ​സ്ക് ഫോ​ഴ്സി​നു രൂ​പം ന​ൽ​കും. സ​മാ​ന സ്വ​ഭാ​വ​ത്തി​ൽ ഇ​ന്ത്യ​ൻ ക​മ്പ​നി​ക​ൾ​ക്കാ​യി യു.​എ.​ഇ​യി​ലും സം​വി​ധാ​നം കാ​ണും. ക​യ​റ്റി​റ​ക്കു​മ​തി​യി​ൽ രൂ​പ​പ്പെ​ട്ട പു​തി​യ ഉ​ണ​ർ​വ് ആ​ഹ്ലാ​ദ​ക​ര​മാ​ണെ​ന്ന് ഇ​രു​പ​ക്ഷ​വും വി​ല​യി​രു​ത്തി.

യു.​എ.​ഇ സ​ർ​ക്കാ​ർ നി​ക്ഷേ​പ​ങ്ങ​ൾ​ക്ക് ഇ​ന്ത്യ​യി​ൽ നി​കു​തി ഇ​ള​വ് വേ​ണ​മെ​ന്ന ആ​വ​ശ്യം യു.​എ.​ഇ മു​ന്നോ​ട്ടു​വെ​ച്ചു. ഇ​രു രാ​ജ്യ​ങ്ങ​ളു​ടെ​യും നി​യ​മ​ങ്ങ​ളും ന​യ​വും അ​നു​സ​രി​ച്ച് ഇ​ത്ത​രം കാ​ര്യ​ങ്ങ​ളി​ൽ ച​ർ​ച്ച തു​ട​രാ​ൻ ധാ​ര​ണ​യാ​യി. പ്ര​ത്യേ​ക നി​കു​തി ഇ​ള​വ് നി​ർ​ദേ​ശ​വും ച​ർ​ച്ച​യാ​യി. ഭ​ക്ഷ്യ​സു​ര​ക്ഷ, നി​ർ​മാ​ണം, അ​ടി​സ്ഥാ​ന സൗ​ക​ര്യം, ഊ​ർ​ജം, സാ​ങ്കേ​തി​കം എ​ന്നീ തു​റ​ക​ളി​ൽ കൂ​ടു​ത​ൽ നി​ക്ഷേ​പം ഉ​റ​പ്പാ​ക്കാ​നും ഇ​ന്ത്യ​യും യു.​എ.​ഇ​യും തീ​രു​മാ​നി​ച്ചു. കേ​ന്ദ്ര വാ​ണി​ജ്യ മ​ന്ത്രി പി​യൂ​ഷ് ഗോ​യ​ൽ, അ​ബൂ​ദ​ബി എ​ക്സി​ക്യൂ​ട്ടി​വ് കൗ​ൺ​സി​ൽ അം​ഗം ശൈ​ഖ് ഹാ​മി​ദ് ബി​ൻ സാ​യി​ദ് ആ​ൽ ന​ഹ്‍യാ​ൻ, യു.​എ.​ഇ വി​ദേ​ശ വാ​ണി​ജ്യ സ​ഹ​മ​ന്ത്രി ഡോ. ​താ​നി ബി​ൻ അ​ഹ്മ​ദ് അ​ൽ സി​യൂ​ദി, ഇ​ന്ത്യ​യി​ലെ യു.​എ.​ഇ അം​ബാ​സ​ഡ​ർ അ​ഹ്മ​ദ് അ​ൽ ബ​ന്ന, യു.​എ.​ഇ​യി​ലെ ഇ​ന്ത്യ​ൻ അം​ബാ​സ​ഡ​ർ സ​ഞ്ജ​യ്​ സു​ധീ​ർ തു​ട​ങ്ങി​യ​വ​ർ പ​​ങ്കെ​ടു​ത്തു.