ഇറക്കുമതി തീരുവ ഉയർന്നേക്കും; മൊബൈൽ ഫോണുകൾക്ക്​ വില കൂടും

കോവിഡ്​ മൂലം കടുത്ത സാമ്പത്തിക പ്രതിസന്ധിയെ അഭിമുഖീകരിക്കു​േമ്പാഴാണ്​ ധനമന്ത്രി നിർമല സീതാരാമൻ ഇക്കുറി ബജറ്റ്​ അവതരിപ്പിക്കുന്നത്​. സമ്പദ്​വ്യവസ്ഥയിൽ വളർച്ച തിരികെ കൊണ്ടുവരികയാണ്​ ബജറ്റിന്‍റെ പ്രധാനലക്ഷ്യങ്ങളിലൊന്ന്​ . ഇതിനായി കേന്ദ്രസർക്കാർ ഊന്നൽ നൽകുക താഴെ പറയുന്ന മേഖലകളിലായിരിക്കും

ആരോഗ്യമേഖല

കോവിഡ്​ സാഹചര്യം ആരോഗ്യമേഖലയിൽ കൂടുതൽ ഊന്നൽ നൽകാൻ കേന്ദ്രസർക്കാറിനെ പ്രേരിപ്പിക്കുമെന്നുറപ്പാണ്​. ഇതിനായി ആരോഗ്യമേഖലയിൽ ചെലവഴിക്കുന്ന പണത്തിന്‍റെ തോത്​ കൂട്ടും. ജി.ഡി.പിയുടെ 4 ശതമാനമെങ്കിലും ആരോഗ്യമേഖലക്കായി മാറ്റിവെക്കുമെന്നാണ്​ റിപ്പോർട്ട്​.

സ്വകാര്യവൽക്കരണം

ധനകമ്മി മറികടക്കാൻ ഇക്കുറിയും കമ്പനികളുടെ ഓഹരി വിൽപന തന്നെയാണ്​ സർക്കാറിന്​ മുന്നിലുള്ള പോംവഴി. ഓഹരി വിൽപനയിലൂടെ 40 ബില്യൺ ഡോളർ സ്വരൂപിക്കാനാണ്​ സർക്കാർ ലക്ഷ്യമിടുന്നത്​. ഖനനം, ബാങ്കിങ്​ തുടങ്ങിയ മേഖലകളിലെ കമ്പനികളുടെ ഓഹരിയാവും വിൽക്കുക.

വികസനപ്രവർത്തനങ്ങൾക്കായി ധനകാര്യസ്ഥാപനം

അടിസ്ഥാന സൗകര്യമേഖലയിൽ 1.02 ട്രില്യൺ രൂപയുടെ വികസനപ്രവർത്തനങ്ങൾ നടത്താനാണ്​ കേന്ദ്രസർക്കാർ ലക്ഷ്യമിടുന്നത്​. ഇത്തരം പദ്ധതികൾക്കായി പണം കണ്ടെത്തുന്നത്​ സർക്കാറിന്​ മുന്നിലുള്ള പ്രധാന കടമ്പ തന്നെയാണ്​. ഇതിനായി പ്രത്യേക ധനകാര്യ സ്ഥാപനം കേന്ദ്രസർക്കാർ ഈ ബജറ്റിൽ പ്രഖ്യാപിച്ചേക്കും.

ഇറക്കുമതി തീരുവ

ചില ഉൽപന്നങ്ങളുടെ ഇറക്കുമതി തീരുവ ഉയർത്തിയേക്കും. അഞ്ച്​ ശതമാനത്തിൽ നിന്ന്​ 10 ശതമാനമായാണ്​ തീരുവ ഉയർത്തുക. സ്​മാർട്ട്​ഫോൺ, ഇലക്​ട്രോണിക്​ ഉൽപന്നങ്ങൾ, മറ്റ്​ ഉപകരണങ്ങൾ എന്നിവയുടെ തീരുവയാകും ഉയർത്തുക. മോദിയുടെ ആത്​മനിർഭർ ഭാരതിന്​ ഊർജം പകരുന്നതിനാവും തീരുവ ഉയർത്തുക.