എയർ ഇന്ത്യയുടെ 137 വിമാനങ്ങൾ ഞായറാഴ്​ചയും വൈകും

ന്യൂഡൽഹി: ശനിയാഴ്​ചയിലെ സെർവർ തകരാർ പരിഹരിച്ചുവെങ്കിലും വിമാനങ്ങളുടെ വൈകൽ ഇന്നും തുടരുമെന്ന്​ എയർ ഇന്ത്യ. ഏ ​കദേശം 137 വിമാനങ്ങൾ വൈകുമെന്നാണ്​ റിപ്പോർട്ട്​. പരമാവധി 197 മിനിട്ട്​ വരെയായിരിക്കും വിമാനങ്ങൾ വൈകുക​യെന്ന്​ എയർ ഇന്ത്യ വക്​താവ്​ അറിയിച്ചു.

ശനിയാഴ്​ച പുലർച്ചെയോടെയാണ്​ എയർ ഇന്ത്യയുടെ സെർവർ തകാരാറിലായത്​. ചെക്ക്​ ഇൻ സോഫ്​റ്റവെയറിലെ തകരാർ മൂലം രാവിലെ ഏട്ടര വരെ എയർ ഇന്ത്യയുടെ സർവീസുകൾ ആഗോളതലത്തിൽ തടസപ്പെട്ടിരുന്നു. പിന്നീട്​ സർവീസ്​ പുനഃരാരംഭിച്ചുവെങ്കിലും വിമാനങ്ങൾ വൈകുന്നത്​ തുടരുകയായിരുന്നു.

ശനിയാഴ്​ച ഏകദേശം 149 വിമാന സർവീസുകളാണ്​ വൈകിയത്​. ഏകദേശം 674 സർവീസുകളാണ്​ എയർ ഇന്ത്യ പ്രതിദിനം നടത്തുന്നത്​.