ഹോണ്ട 90210 സിറ്റി, മൊബീലിയോ കാറുകള്‍ തിരികെ വിളിക്കും

ന്യൂഡല്‍ഹി: വാഹന നിര്‍മാതാക്കളായ ഹോണ്ട ഇന്ത്യയില്‍ വിറ്റഴിച്ച 90,210 കാറുകള്‍ തിരികെ വിളിക്കുന്നു. 2013 ഡിസംബറിനും 2015 ജൂലൈക്കും ഇടയില്‍ നിര്‍മിച്ച 64,428 സിറ്റി, 25,782 മൊബീലിയോ കാറുകളാണ് തിരികെ വിളിക്കുന്നത്. ഫ്യൂവല്‍ റിട്ടേണ്‍ പൈപ്പിലെ തകരാര്‍ പരിഹരിക്കുന്നതിനായാണിത്. ഇവയുടെ ഡീസല്‍ വാഹനങ്ങള്‍ മാത്രമാണ് തിരിച്ചു വിളിക്കുന്നത്. ഈ കാറുകളില്‍ ചിലതിന്‍െറ ഇന്ധന പൈപ് ലൈനിലെ തകരാര്‍ ഇന്ധനചോര്‍ച്ചക്കും എന്‍ജിന്‍ തകരാറിനും ഇടയാക്കുന്ന സാഹചര്യത്തിലാണ് നടപടി. വാഹന ഉടമകളെ ഡീലര്‍ഷിപ്പുകളില്‍നിന്ന് അറിയിക്കുന്ന മുറക്ക് ഡിസംബര്‍ 19 മുതല്‍ വാഹനമത്തെിച്ച് തകരാര്‍ സൗജന്യമായി പരിഹരിക്കാം.