കേന്ദ്ര സർക്കാർ ഇനി ഡിജിറ്റൽ കള്ളപണത്തിനെതിരെ

ന്യൂഡൽഹി: 500,1000 രൂപ​ നോട്ടുകളുടെ നിരോധനത്തിന്​ ശേഷം കേന്ദ്ര സർക്കാർ ഡിജിറ്റൽ കള്ളപണത്തിനെതിരെ നടപടി എടുക്കാനൊരുങ്ങുന്നു. കള്ളപ്പണക്കാർ ബിറ്റ്​കോയിൻ പോലുള്ള ഡിജിറ്റൽ മാർഗങ്ങളിലേക്ക്​ തിരിയുന്ന പശ്​ചാത്തലത്തിലാണ്​  സർക്കാരി​െൻറ നീക്കം.
സാധരണ കറൻസികളിൽ നിന്ന്​ വ്യത്യസ്​തമായി കമ്പ്യൂട്ടർ നിർമ്മിത ഡിജിറ്റൽ കറൻസിയാണ്​ ബിറ്റ്​കോയിൻ. ​ലോകം മു​ഴുവൻ ബിറ്റ്​കോയിൻ ഉപയോഗിച്ചുള്ള ഇടപാടുകൾക്ക്​ സാധുതയുണ്ട്​. ബാങ്കുകൾക്കോ വ്യക്​തികൾക്കോ ഇത്തരം ഇടപാടുകളിൽ സ്വാധീനമില്ല. ബിറ്റ്​കോയിൻ അക്കൗണ്ടുകളുടെ ഉടമകളുടെ വ്യക്​തിഗത വിവരങ്ങളൊന്നും തന്നെ ലഭ്യമാവുകയില്ല. അവരുടെ ബിറ്റ്​കോയിൻ അക്കൗണ്ട്​ ​െഎ.ഡി മാത്രമേ ഇത്തരത്തിൽ ലഭ്യമാകു.

ബിറ്റ്​കോയിൻ ആഗോളതലത്തിലുള്ള നെറ്റ്​വർക്കാണ്​. കേന്ദ്രീകൃതമായ സ്വഭാവവും ഇതിനില്ല. ​​ബ്ലോക്ക്​ചെയിൻ എന്ന നെറ്റ്​വർക്കിലാണ്​ ഇത്തരത്തിൽ പണം സൂക്ഷിച്ച്​ വെച്ചിരിക്കിന്നുത്​. ഇൗ നെറ്റ്​വർക്കിൽ പണം സൂക്ഷിച്ച്​ വെച്ചാൽ അത്​ എളുപ്പം കണ്ടെത്താൻ അന്വേഷണ ഉദ്യോഗസ്​ഥർക്ക്​ സാധിക്കില്ല. ഒ​രേ സമയം തന്നെ ഒന്നിലധികം അക്കൗണ്ടുകൾ ഇത്തരത്തിൽ കൈകാര്യം ചെയ്യാനും സാധിക്കും.

ഇന്ത്യ ഡിജിറ്റൽ സാമ്പത്തിക വ്യവസ്​ഥയിലേക്ക്​ മാറുന്ന സാഹചര്യത്തിൽ കൂടുതൽ ആളുകൾ ബിറ്റ്​കോയിൻ പോലുള്ള മാർഗങ്ങളിലൂടെ അവരുടെ കള്ളപ്പണം സൂക്ഷിച്ച്​ വെക്കാൻ ആരംഭിക്കുമെന്നാണ്​ അന്വേഷണ എജൻസികൾ കണക്കാക്കുന്നത്​. വർഷങ്ങൾക്ക്​ മുമ്പ്​ ഡാർക്​ നെറ്റിൽ മയക്കുമരുന്ന്​ ഇടപാടുകൾ നടത്താനായി ബിറ്റ്​കോയിൻ ഉപയോഗിച്ചിരുന്ന സിൽക്ക്​ റൂട്ട്​ എന്ന വെബ്​സൈറ്റി​െൻറ നിർമാതാക്കളെ പൊലീസ്​ അറസ്​റ്റ്​ ചെയ്​തിരുന്നു.

 നോട്ട്​ പിൻവലിക്കലിന്​ ശേഷം ഇന്ത്യയിൽ ബിറ്റ്​കോയിൻ ഇടപാടുകൾ നടത്തുന്ന പല വെബ്​സൈറ്റുകളിലും ബിറ്റ്​കോയിനി​െൻറ വില വൻതോതിൽ വർധിച്ചതായി ഫോബ്സ്​ മാസിക റിപ്പോർട്ട്​ ചെയ്​തിരുന്നു. ഇൗയൊരു പശ്​ചാത്തലത്തിൽ ഇത്തരം മാർഗങ്ങളിലൂടെ കള്ളപ്പണം സൂക്ഷിക്കുന്നവർക്കെതിരെ നടപടികൾ കർശനമാക്കാനൊരുങ്ങുകയാണ്​ ആർ.ബി.​െഎ. പക്ഷേ ഇത്​ എത്രത്തോളം നടപ്പിൽ വരുത്താൻ കഴിയുമെന്നാണ്​ സാമ്പത്തിക ​വിദഗ്​ധർ ചോദിക്കുന്നത്​.