എയർ ഇന്ത്യയുടെ വരുമാനത്തിൽ 20 ശതമാനം വർധന

ന്യൂഡൽഹി: എയർ ഇന്ത്യക്ക്​ മാർച്ച്​-ഏപ്രിൽ മാസങ്ങളിലെ വരുമാനത്തിൽ 20 ശതമാനം വർധന. നിലവിലുള്ള വിമാനങ്ങൾ ഉപയോഗിച്ച്​ കൂടുതൽ സമയം സർവീസ്​ നടത്തിയും പുതിയ റൂട്ടുകൾ ആരംഭിച്ചുമെല്ലാമാണ്​ എയർ ഇന്ത്യ നേട്ടം കൈവരിച്ചത്​. കമ്പനിയുടെ മാനേജിങ്​ ഡയറക്​ടർ പ്രദീപ്​ സിങ്​ കരോളയാണ്​ ഇക്കാര്യം അറിയിച്ചത്​.

അഭ്യന്തര^അന്തരാഷ്​ട്ര റൂട്ടുകളിൽ കാര്യക്ഷമമായി പ്രവർത്തിക്കാൻ സാധിച്ചു. ഇതാണ്​ വരുമാന വർധനക്ക്​ കാരണമെന്ന്​ കമ്പനി മാനേജിങ്​ ഡയറക്​ടർ പറഞ്ഞു. അതേ സമയം, വരുമാനത്തേക്കാൾ കൂടുതൽ ചെലവാണ്​ എയർ ഇന്ത്യക്ക്​ ഉള്ളത്​. കഴിഞ്ഞ ഫെബ്രുവരി മുതൽ പ്രവർത്തനം മെച്ചെടുത്താനുള്ള ശ്രമത്തിലാണ്​ എയർ ഇന്ത്യ.

എയർ ഇന്ത്യയുടെ സ്വകാര്യവൽക്കരണം സംബന്ധിച്ച ചർച്ചകൾ സജീവമാകുന്നതിനിടെയാണ്​ കമ്പനിയുടെ വരുമാനം വർധിച്ചിിരിക്കുന്നത്​.