പകുതി സർക്കാരിന്​ നൽകി കള്ളപണം വെളുപ്പിക്കാം 

ന്യൂഡൽഹി: പകുതി തുക സർക്കാരിന്​ നൽകി​ കള്ളപണം വെളുപ്പിക്കാനുള്ള പുതിയ പദ്ധതിക്ക്​ കേന്ദ്ര സർക്കാർ രൂപം നൽകി. റവന്യു സെക്രട്ടറി ഹഷ്​മുക്​ ആദിയയാണ്​ ​ ഇത്​ സംബന്ധിച്ച വിവരം പുറത്ത്​ വിട്ടത്​. ബാങ്കിൽ നിക്ഷേപിക്കപ്പെട്ടത്​ കൊണ്ട്​ കള്ളപണം അതാല്ലാതായി മാറുന്നിലെന്നും അതിന്​ നികുതി നൽകു​േമ്പാൾ മാത്രമാണ്​ പണം നിയമവിധേയമായി മാറുന്നതെന്നും അദ്ദേഹം പറഞ്ഞു.

പുതിയ പദ്ധതി പ്രകാരം 50 ശതമാനം തുക സർക്കാരിന്​ നികുതിയായി നൽകി കള്ളപണം വെളുപ്പിക്കാൻ സാധിക്കും. നാളെ മുതൽ ഇൗ പദ്ധതി നിലവിൽ വരും.  2017 മാർച്ച്​ 31 വരെ പദ്ധതി ഉപയോഗപ്പെടുത്തി കള്ളപണം വെളുപ്പിക്കുന്നതിന്​ സാധിക്കുമെന്ന്​  റവന്യു സെക്രട്ടറി അറിയിച്ചു.

കള്ളപ്പണ നിക്ഷേപം കണ്ടെത്തുന്നതിനായി ജനധൻ അക്കൗണ്ടുകളിൽ പരിശോധ കർശനമാക്കുമെന്നും അദ്ദേഹം പറഞ്ഞു. കള്ളപണ നിക്ഷേപത്തെ കുറിച്ച്​ ജനങ്ങൾക്ക്​ വിവരം നൽകുന്നതിനായി പുതിയ ഇമെയിൽ ​െഎ.ഡി ആരംഭിക്കുമെന്നും അദ്ദേഹം കൂട്ടിച്ചേർത്തു.