പാരഡൈസ്​ രേഖകൾ: ആപ്പിൾ കമ്പനിയും നികുതി വെട്ടിച്ചു

ലണ്ടൻ: ലോകത്തെ സ്വാധീനമുള്ള വ്യക്തികളും സ്ഥാപനങ്ങളും നികുതിയിളവുള്ള ചെറുരാജ്യങ്ങളിൽ നടത്തിയ വൻ വിദേശനി​ക്ഷേപങ്ങളെക്കുറിച്ച്​ പറയുന്ന പാരഡൈ​സ്​ രേഖകളിൽ ഇലക്​ട്രോണിക് നിർമാണരംഗത്തെ ​ഭീമൻമാരാ യു.എസ്​ കമ്പനി ആപ്പിളും. ബ്രിട്ടനും ഫ്രാൻസിനുമിടയിലെ ഇംഗ്ലീഷ്​ ചാനലിൽ സ്ഥിതിചെയ്യുന്ന ചാനൽ ദ്വീപുക​ളിൽ അനധികൃത നിക്ഷേപം നടത്തിയാണ്​ ആപ്പിൾ നികുതിവെട്ടിച്ചതെന്ന്​ ബ്രിട്ടീഷ്​ മാധ്യമങ്ങൾ റിപ്പോർട്ട്​ ചെയ്​തു.

റിപബ്ലിക്​ ഒാഫ്​ അയർലണ്ടിൽ ആപ്പിൾ നടത്തിയ നികുതി ക്രമക്കേടുകൾക്കെതിരെ അവിടുത്തെ സർക്കാർ 2013ൽ നടത്തിയ നടപടികൾക്ക്​ ശേഷമാണ്​ ചാനൽ ദ്വീപുകളിലെ  ജഴ്​സിയിലേക്ക്​ കമ്പനി നിക്ഷേപം മാറ്റിയത്​. ബ്രിട്ട​​െൻറ കീഴിലുള്ള സ്വയംഭരണ പ്രദേശങ്ങളാണ്​ ചാനൽ ദ്വീപുകൾ. ശതകോടിക്കണക്കിന്​ വരുന്ന തങ്ങളുടെ വരുമാനമാണ്​ ആപ്പിൾ ചാനൽ ദ്വീപിലേക്ക്​ മാറ്റിയതെന്നും ഇതിലൂടെ വൻ നികുതി വെട്ടിപ്പാണ്​ കമ്പനി നടത്തിയതെന്നും പാരഡൈസ്​ രേഖകൾ അടിസ്ഥാനമാക്കിയുള്ള റിപ്പോർട്ടുകൾ പറയുന്നു. ​േലാക​േത്തറ്റവും അധികം നികുതി കൊടുക്കുന്നത്​ തങ്ങളാണ്​ ​ എന്നാണ്​ ആപ്പിളി​​െൻറ വാദം. കഴിഞ്ഞ മൂന്നു വർഷത്തിനിടയിൽ തങ്ങൾ രണ്ടേകാൽ ലക്ഷം കോടി രൂപയോളം നികുതിയിനത്തിൽ  അടച്ചതായി ആപ്പിൾ ബി.ബി.സിയോട്​ പറഞ്ഞു. എന്നാൽ, 2014 വരെ ആപ്പിൾ, മറ്റു ചില ബഹുരാഷ്​ട്ര കമ്പനികളെപോലെ, അയർലണ്ടിലെയും അമേരിക്കയിലെയും നികുതി നിയമങ്ങളിലെ ദുർബലവശങ്ങൾ ഉപയോഗപ്പെടുത്തുകയും വൻതുക നികുതിയിനത്തിൽ ലാഭിച്ചിരു​ന്നെന്നും ബ്രിട്ടീഷ്​ മാധ്യമം ഇൻഡിപെൻഡൻറ്​ റിപ്പോർട്ട്​ ചെയ്​തു.

അയർലണ്ടിലും യു.എസിലും കോർപറേഷൻനികുതി നിരക്ക്​ യഥാക്രമം 12.5 ശതമാനം, 35 ശതമാനം ആണെന്നിരിക്കെ ആപ്പിളി​​െൻറ നികുതിയടവ്​ മിക്കപ്പോഴും അഞ്ച്​ ശതമാനമായിരുന്നെന്നും, ചിലപ്പോൾ ഇത്​ രണ്ട്​ ശതമാനത്തിലും താഴെയായിരുന്നെന്നും റിപ്പോർട്ടുകൾ പറയുന്നു. അയർലണ്ടിൽ രജിസ്​റ്റർ ​െചയ്​ത ഒരു ആപ്പിൾ കമ്പനിയുടെ നികുതിയടവ്​ ഒരു വർഷം വെറും 0.005 ആയിരുന്നെന്ന്​ യൂറോപ്യൻ കമീഷൻ കണ്ടെത്തിയിരുന്നു. അയർലണ്ടിലെ ആപ്പിളി​​െൻറ ഇടപാടുകളെ കുറിച്ച്​ 2013ൽ യൂറോപ്യൻ യൂനിയൻ അന്വേഷണം പ്രഖ്യാപിക്കുകയും ഇതിനെ തുടർന്ന്​ ​െഎറിഷ്​ സർക്കാർ നടപടികൾ ആരംഭിക്കുകയും ചെയ്​തിരുന്നു. ഇതിനെ തുടർന്നാണ്​ നികുതി വെട്ടിപ്പ്​ തുടരാൻ ആപ്പിൾ തങ്ങളുടെ ​​െഎറിഷ്​ വ്യാപാരത്തി​​െൻറ  കേ​ന്ദ്രമായി ചാനൽ ദ്വീപായ ജഴ്​സി  ​െതരഞ്ഞെടുത്തതത്രെ.