വായ്​പയല്ല സഹായമ​ാണ്​ സർക്കാരിനോട്​ അഭ്യർഥിച്ചതെന്ന്​ വിജയ്​ മല്യ

മുംബൈ: കിങ്​​ഫിഷർഎയർലെൻസി​െൻറ പതനത്തിൽ സർക്കാറിനെ പഴിചാരി വിജയ്​ മല്യ. താൻ സർക്കാറിൽ നിന്ന്​ വായ്​പയല്ല സഹായമാണ്​ ആവശ്യപ്പെട്ടതെന്ന്​ വിജയ്​ മല്യ ട്വിറ്ററിൽ കുറിച്ചു. എന്നാൽ സർക്കാറി​െൻറ ഭാഗത്ത്​ നിന്ന്​ അത്​ ലഭിച്ചില്ല. ക്രൂഡോയിൽ വില ബാരലിന്​ 140 ഡോളറെത്തിയപ്പോഴാണ്​ കിങ്​​ഫിഷർ എയർ​ലെൻസി​െൻറ തകർച്ച ആരംഭിച്ചത്​.  എണ്ണ വില ഉയർന്നതി​െൻറ പരിണിതഫലം ഏറ്റവും കൂടുതൽ അനുഭവിക്കേണ്ടി വന്നത്​ കിങ്​​ഫിഷർ എയർലൈൻസാണ്​. ഇത്തരമൊരു സാഹചര്യത്തിൽ എയർ ഇന്ത്യ അടക്കമുള്ള വിമാന കമ്പനികൾക്ക്​ സർക്കാർ സഹായം നൽകിയപ്പോൾ രാജ്യത്തെ ഏറ്റവും വലിയ ആഭ്യന്തര വിമാന സർവിസിനെ  അവഗണിക്കുകയാണ്​ ചെയ്​തതെന്നും മല്യ കുറ്റപ്പെടുത്തി.

മാധ്യമങ്ങൾക്കെതിരെയും രൂക്ഷമായ വിമർശനങ്ങളാണ്​ ട്വിറ്ററിലൂടെ മല്യ ഉന്നയിച്ചത്​. തന്നെ വിമർശിക്കുന്നതിന്​ മുമ്പായി സെബിയോടും സി.ബി.​െഎയോടും എന്ത്​ തെളിവാണ്​ തനിക്കെതിരെ നിലവിലുള്ളതെന്ന്​ മാധ്യമങ്ങൾ അന്വേഷിക്കണം.  മാധ്യമങ്ങൾ വസ്​തുതകളെ വളച്ചൊടിക്കുകയാണെന്നും അദ്ദേഹം കുറ്റപ്പെടുത്തി.  രാജ്യത്തെ നീതിന്യായ വ്യവസ്​ഥയിൽ മാത്രമാണ്​ തനിക്ക്​ വിശ്വാസമുള്ളതെന്നും മല്യ പറഞ്ഞു.

ഇന്ത്യയിലെ വിവിധ ബാങ്കുകളിൽ നിന്ന്​ എകദേശം 9000 കോടി രൂപയാണ്​ വിജയ്​ മല്യ വായ്​പയായി എടുത്തത്​. വായ്​പകൾ തിരിച്ചടക്കാതെ മല്യ ഇന്ത്യ വിടുകയായിരുന്നു. നിരവധി തവണ വിവിധ കോടതികൾ ഇന്ത്യയിലേക്ക്​ തിരിച്ച്​ വരാൻ മല്യയോട്​ ആവശ്യപ്പെട്ടുവെങ്കിലും അദ്ദേഹം അതിന്​ തയ്യാറായില്ല. മല്യയുടെ കടം തിരിച്ച്​ പിടിക്കുന്നതിനായി അദ്ദേഹത്തി​െൻറ സ്വത്തുക്കൾ കണ്ടുകെട്ടാൻ ട്രിബ്യൂണൽ ബാങ്കുകൾക്ക്​ അനുമതി നൽകിയിരുന്നു.

I begged for help.Not for loans but policy changes-declared goods status for fuel,flat rate of state sales tax instead of ad Valorem,FDI etc

— Vijay Mallya (@TheVijayMallya) January 28, 2017