പാഠങ്ങൾ ഉൾക്കൊള്ളാം, വിജയിച്ചു മുന്നേറാം

ലോക്​ഡൗണി‍​​െൻറ ആദ്യ ദിനങ്ങൾ പങ്കജകസ്​തൂരി, മാനേജിങ്​ ഡയറക്​ടർ ഡോ. ജെ. ഹരീന്ദ്രൻ നായർക്ക്​ അൽപമൊരു ബുദ്ധിമുട്ട്​ തോന്നി. എന്നാൽ, പെ​​ട്ടെന്നു തന്നെ, പതിവു തിരക്കുകളിലേക്കല്ല, അതിനെക്കാൾ വലിയ തിരക്കുകളിലേക്ക ്​ അദ്ദേഹം മാറി. കോവിഡ്​ രോഗികളടെ എണ്ണം കൂടുകയും സംസ്ഥാനം ആശങ്കയിലാവുകയും ചെയ്​തപ്പോൾ അദ്ദേഹം ആദ്യം ചെയ്​തത്​ ത​​​െൻറ പങ്കജകസ്​തൂരി ആയുർവേദ മെഡിക്കൽ കോളജ്​ നിരീക്ഷണത്തിലുള്ളവർക്കായി വിട്ടുകൊടുക്കാൻ സന്നദ്ധത അറിയിക്കുകയായിരുന്നു.

അ​േപ്പാഴാണ്​,​ കോവിഡ്​ പ്രതിരോധത്തിന്​ ആയുർവേദത്തെയും കൂടി ഉപയോഗപ്പെടുത്താനുള്ള തീരുമാനം മുഖ്യമന്ത്രി അറിയിച്ചത്​. അതിനായി രൂപവത്​കരിച്ച ടാസ്​ക് ഫോഴ്​സിൽ ഡോ. ഹരീന്ദ്രൻ നായരെയും ഉൾപ്പെടുത്തിയിരുന്നു. പിന്നീട്​ അതുമായി ബന്ധപ്പെട്ട ചർച്ചകളിലും മറ്റും സജീവമായി. ആയുർവേദ ഡോക്​ടർമാർ കോവിഡിനെ ചികിത്സിച്ചിട്ടില്ലെങ്കിലും സമാനമായ വൈറസ്​ ബാധയുള്ള രോഗികളെ ചികിത്സിക്കുകയും ഭേദമാക്കുകയും ചെയ്​തിട്ടുണ്ട്​. അതിനാൽത്തന്നെ ഇതുപോലുള്ള അവസരങ്ങളിൽ ആയുർവേദത്തെയും ഉൾ​െക്കാണ്ടുള്ള സമീപനമാവണം ഉണ്ടാവേണ്ടത്​. ആയുർവേദ ഒൗഷധങ്ങൾക്ക്​ പ്രതിരോധ ശേഷി വർധിപ്പിക്കുന്നതിന്​ അത്ഭുതകരമായ ശേഷിയുണ്ട്. ഇതുമായി ബന്ധപ്പെട്ട ഗവേഷണം, പരീക്ഷണങ്ങൾ, പ്രയോഗം തുടങ്ങിയവയൊക്കെ ഉണ്ടാവണം.

നിലവിലുള്ള അവസ്ഥയെ നമ്മൾ വിജയകരമായിത്തന്നെ അതിജീവിക്കും. അതേസമയം, ഇപ്പോഴത്തെ നിശ്ചലാവസ്ഥയിൽനിന്ന്​ പഴയ അവസ്ഥയിലേക്കെത്താൻ കുറച്ചു മാസങ്ങൾ വേണ്ടിവരും. അതിന്​ ജീവിതശൈലിയിലടക്കം മാറ്റങ്ങൾ വരുത്തണം. അതിനനുസരിച്ചുള്ള തന്ത്രങ്ങൾ നമ്മൾ ഒാരോരുത്തരും രൂപപ്പെടുത്തുകയും വേണം. ഇന്നി‍​​െൻറ പാഠം നാളെയുടെ വിജയമായി മാറുകയും വേണം -ഡോ. ഹരീന്ദ്രൻ നായർ പറഞ്ഞു.

തയാറാക്കിയത്​: അജിത്​ ശ്രീനിവാസൻ