നേരിടലാണ്​ പ്രധാനം

പ്രതിസന്ധികളിൽ നിന്നുള്ള ഒളിച്ചോട്ടമല്ല, മറിച്ച്​ അവയെ നേരിടുകയും അതിൽനിന്ന്​ പുതിയ അവസരങ്ങൾ ക​െണ്ടത്തുക യുമാണ്​ പ്രധാനമെന്ന്​ ‘​െഎ.ഡി ഫ്രഷ്​ ഫുഡ്’ സി.ഇ.ഒ പി.സി. മുസ്​തഫ പറയുന്നു. ഇൗ ലോക്​ഡൗൺ കാലം ‘​െഎ.ഡി ഫ്രഷ്​ ഫുഡ്’​ തെളിയിച്ചതും അതു തന്നെയാണ്. പ്ലാൻറുകളടക്കം അടച്ചിടുകയാണ്​ ഏറ്റവും എളുപ്പമുള്ള ജോലി. എന്നാൽ, അത് ഒളിച്ചോട്ട മാണ്​. അത്​ ശരിയല്ലെന്ന്​ ബോധ്യമായിരുന്നു തങ്ങൾക്കെന്ന്​ മുസ്​തഫ വ്യക്​തമാക്കുന്നു. അവശ്യ സാധനങ്ങളുടെ പട്ട ികയിൽ വരുന്ന തങ്ങളുടെ ഭക്ഷ്യ ഉൽപന്നങ്ങൾ ഉപഭോക്​താക്കൾക്ക്​ എത്തിച്ചുകൊടുക്കുക ചുമതലയും ബാധ്യതയുമായി കാണുന്നു.

അതിന്​ ആദ്യം തയാറാക്കേണ്ടത്​ ജീവനക്കാരെയാണ്​. അതിനായി അവരുടെയും കുടുംബത്തി​െൻയും പ്രശ്​നങ്ങൾ മനസ്സിലാക്കി പരിഹരിച്ചു. തുടർന്ന്,​ ഡോക്​ടർമാരുമായുള്ള കൂടിക്കാഴ്​ചയും സംഘടിപ്പിച്ചു. ഇതു​ ജോലിക്കിറങ്ങാനുള്ള ആത്മധൈര്യം അവർക്ക്​ നൽകി. ഉൽപന്നങ്ങൾ വേഗത്തിൽ എത്തിക്കാവുന്നിടത്തേക്ക്​ വിതരണം പരിമിതപ്പെടുത്തുകയും ഉൽപന്നങ്ങളുടെ എണ്ണം കുറക്കുകയും ചെയ്​തു. ഇതോടെ, ഇൗ ലോക്​ഡൗൺ കാലത്ത്​ വിറ്റുവരവ്​ സാധാരണയിൽനിന്ന്​ ഇരട്ടിയായി.

പ്രതിസന്ധികാലം പുതിയ കണ്ടെത്തലുകളുടെ നാളുകൾ കൂടിയാണ്​. ഉപഭോക്താക്കളുടെ ആവശ്യങ്ങളും ആവലാതികളും മനസ്സിലാക്കാനും പരിഹരിക്കാനുമുള്ള ശ്രമങ്ങൾ ആരംഭിക്കുകയും ചെയ്​തു. ചുരുങ്ങിയ ദിവസങ്ങൾക്കുള്ളിൽ നടപ്പാക്കിയ പദ്ധതികൾ വൻ ജനപ്രീതിയാണ്​ നേടിയത്​. ഇൗ സമയത്തെ വളരെ ഫലപ്രദമായി ഉപയോഗിച്ചതിലൂടെ ഉപഭോക്താക്കൾക്ക്​ കൂടുതൽ നല്ല സേവനം നൽകാനായി.

വയനാട്ടിലെ തറവാട്ടിൽ, മാതാപിതാക്കളോടൊപ്പമാണ്​ മുസ്​തഫ ഇപ്പോൾ. ഇപ്പോഴത്തെ അവസ്​ഥയെക്കുറിച്ചുള്ള ഉത്​കണ്​ഠ ഒാരോ മാതാപിതാക്കൾക്കുമുണ്ടെന്ന്​ അദ്ദേഹം മനസ്സിലാക്കുന്നു. ആ തിരിച്ചറിവിലാണ്​ ഒപ്പം ജോലിയെടുക്കുന്നവർക്കായുള്ള കരുതലും.

തയാറാക്കിയത്​: അജിത്​ ശ്രീനിവാസൻ