ജി.എസ്​.ടി സംശയനിവാരണത്തിനായി പുതിയ ആപ്​

ന്യൂഡൽഹി: ചരക്ക്​ സേവന നികുതിയുമായി ബന്ധപ്പെട്ട സംശയങ്ങൾ ദുരീകരിക്കുന്നതിനായി ധനകാര്യ വകുപ്പ്​ പുതിയ ആപ്​ പുറത്തിറക്കി. വിവിധ ഉൽപ്പന്നങ്ങൾക്ക്​ ജി.എസ്​.ടിയിൽ ചുമത്തുന്ന നികുതി നിരക്കുകൾ സംബന്ധിച്ച സംശയങ്ങൾ ഇല്ലാതാക്കുന്നതിനാണ്​ പുതിയ ആപ്​. ആൻഡ്രോയിഡ്​ പ്ലാറ്റ്​ഫോമിലാണ് ആപ്​ ആദ്യഘട്ടത്തിൽ​ ലഭ്യമാവുക. ​െഎ.ഒ.എസിലും വൈകാതെ തന്നെ ആപ്​ ലഭ്യമാകുമെന്നാണ്​ സൂചന.

ആപിൽ ഉപഭോക്​താകൾക്ക്​ വിവിധ ഉൽപ്പന്നങ്ങൾക്ക് ചുമത്തുന്ന​ നികുതി നിരക്കുകൾ എത്രയാണ്​ സെർച്ച്​ ചെയ്​ത്​ മനസിലാക്കാൻ സാധിക്കും. ഒരു ഉൽപ്പന്നം ഇത്തരത്തിൽ സെർച്ച്​ ചെയ്​താൽ അതിന്​ ചുമത്തുന്ന സി.ജി.എസ്​.ടി, എസ്​.ജി.എസ്​.ടി ഉൾപ്പടെയുള്ള വിവരങ്ങൾ ആപിൽ ലഭ്യമാകും.