മല്യക്ക്​ 900 കോടി വായ്​പ; ​െഎ.ഡി.ബി.​െഎ മുൻ ചെയർമാൻ അറസ്​റ്റിൽ

മുംബൈ: വിജയ്​ മല്യയുടെ ഉടമസ്ഥതയിലുള്ള കിംഗ്​ഫിഷർ എയർലെൻസിന്​ 900 കോടി വായ്​പ നൽകിയതുമായി ബന്ധപ്പെട്ട കേസിൽ എട്ട്​ പേരെ സി.ബി.​െഎ അറസ്​റ്റ്​ ചെയ്​തു. ​െഎ.ഡി.ബി.​െഎ ബാങ്ക്​ മുൻ ചെയർമാൻ യോഗേഷ്​ അഗർവാളിനെയും കിംഗ്​ഫിഷർ എയർലെൻസ്​ സാമ്പത്തിക വിഭാഗം തലവൻ രഘുനന്ദനേയുമാണ്​ അറസ്​റ്റ്​ ചെയ്​തത്​​.

ഫെറ നിയമപ്രകാരമാണ്​ ഇവരെ അറസ്​റ്റ്​ ചെയ്​തത്​​. വിജയ്​ മല്യയുടെ സ്വത്തുക്കൾ കണ്ടുകെട്ടാൻ  ട്രിബ്യൂണൽ ഉത്തരവിട്ടതിന്​ പിന്നാലെയാണ്​ അറസ്​റ്റ്​ ​. നേരത്തെ വിജയ്​ മല്യയുടെ ഉടമസ്ഥതയിലുള്ള 9 കേന്ദ്രങ്ങളിൽ സി.ബി.​െഎ റെയ്​ഡ്​ നടത്തിയിരുന്നു.​ ഇന്ത്യയിലെ വിവിധ ബാങ്കുകളിൽ നിന്ന്​ എകദേശം 9,000 കോടി രൂപ വായ്​പയെടുത്തതിന്​ ശേഷം വിജയ്​ മല്യ രാജ്യം വിടുകയായിരുന്നു. നിരവധി തവണ വിവിധ കോടതികൾ ഇന്ത്യയിലേക്ക്​ തിരിച്ച്​ വരാൻ മല്യയോട്​ ആവശ്യപ്പെ​െട്ടങ്കിലും അദ്ദേഹം അതിന്​ തയ്യാറായിരുന്നില്ല. ഇപ്പോൾ ബ്രിട്ടിനാലാണ്​ വിജയ്​ മല്യയെന്നാണ്​ വിവരം.

സി.ബി. ​െഎ നടപടിയോട്​ പരമാവധി സഹകരിക്കുമെന്ന്​ വിജയ്​ മല്യയുടെ ഉടമസ്ഥതയുള്ള യു.ബി ഗ്രൂപ്പ്​ പ്രതികരിച്ചു. വരും ദിവസങ്ങളിൽ വിജയ്​ മല്യയുടെ സ്വത്ത്​ കണ്ടുകെട്ടാൻ ബാങ്കുകളും നടപടികൾ ആരംഭിക്കുമെന്നാണ്​ സൂചന.