കേന്ദ്ര ഡി.എ രണ്ടു ശതമാനം കൂട്ടി

ന്യൂഡൽഹി: കേന്ദ്രസർക്കാർ ജീവനക്കാർക്കും പെൻഷൻകാർക്കും ക്ഷാമബത്ത (ഡി.എ) രണ്ടു ശതമാനം വർധിപ്പിക്കാൻ കേന്ദ്രമന്ത്രിസഭ തീരുമാനിച്ചു. ജൂലൈ ഒന്നുമുതൽ മുൻകാല പ്രാബല്യത്തോടെ നടപ്പാക്കും. ഏഴു ശതമാനമായിരുന്ന ഡി.എ ഇതോടെ ഒമ്പതു ശതമാനമാകും. കഴിഞ്ഞ മാർച്ചിലാണ്​ അഞ്ചിൽനിന്ന്​ ഏഴു ശതമാനമായി ഡി.എ വർധിപ്പിച്ചത്​. 

ഏഴാം ശമ്പളക്കമീഷൻ ശിപാർശകൾ അനുസരിച്ചാണ്​ വർധന. 48.41 ലക്ഷം കേന്ദ്രസർക്കാർ ജീവനക്കാർക്കും 62.03 ലക്ഷം ​പെൻഷൻകാർക്കും പ്ര​േയാജനപ്പെടും. പ്രതിവർഷം 6112 കോടി രൂപയുടെ അധികചെലവ്​ ഖജനാവിനുണ്ടാകും.