കോവിഡ്​ 19: അണുനാശിനികൾ കിട്ടാക്കനി​; വിലയിലും കുതിപ്പ്​

ന്യൂഡൽഹി: അണുനാശിനി ഉപയോഗിച്ച്​ കൈകഴുകലാണ്​ കോവിഡ്​ 19 ബാധ പടരാതിരിക്കാനുള്ള പ്രധാന മാർഗം. തുമ്മു​േമ്പാഴും ചുമക്കു​േമ്പാഴും വായ്​ പൊത്തിപ്പിടിക്കാനും ശേഷം അണുനാശിനി ഉപയോഗിച്ച്​ കൈകഴുകാനും ഡോക്​ടർമാർ നിർദ്ദേശിച ്ചിരുന്നു.

കോവിഡ്​ -19 രാജ്യമെമ്പാടും പടർന്നതോടെ കൈകഴുകുന്ന അണുനാശിനികൾക്ക്​ മാർക്കറ്റിൽ വൻ ഡിമാൻഡാണ്​. വൻതോതിൽ വിൽപ്പന നടന്നതോടെ വിപണികളിൽ ഇവ കിട്ടാക്കനിയായി. ഡിമാൻഡ്​ വർധിച്ചതോടെ വിലയും കൂട്ടി.

ലോകത്ത്​ 60തിൽ അധികം രാജ്യങ്ങളിൽ കൊറോണ വൈറസ്​ ബാധ പടർന്നുകഴിഞ്ഞു. ജനുവരി മുതലാണ്​ ചൈനക്കാരും മറ്റു രാജ്യക്കാരും കൊറോണക്കെതിരെ മുന്നറിയിപ്പ്​ നൽകി തുടങ്ങിയത്​. കൈയും മുഖവുമെല്ലാം അണുനാശിനി ഉപയോഗിച്ച്​ വൃത്തിയാക്കലാണ്​ കൊറോണയെ ബാധിക്കാതിരിക്കാനുള്ള പ്രധാന മാർഗമായി ഡോക്​ടർമാർ നിർദേശിക്കുന്നത്​.

ഉപഭോഗം വർധിച്ചതോടെ ഹാൻഡ്​വാഷിൻെറ വിലയും ഇപ്പോൾ റോക്കറ്റ്​പോലെ കുതിച്ചു. യു.കെയിൽ മാത്രം 260 ശതമാനമാണ്​ അണുനാശിനികളുടെ വിൽപ്പന ഉയർന്നത്​. യു.എസിൽ ഇത്​ 73 ശതമാനവും. അണുനാശിനിക​െള കൂടാതെ എൻ-95 മാസ്​കും ഡോക്​ടർമാർ കൊറോണ പ്രതിരോധത്തിൻെറ ഭാഗമായി നിർദേശിച്ചിരുന്നു. ഇവയും ഇപ്പോൾ വിപണിയിൽ ലഭ്യമല്ല.

ഇന്ത്യയിലെ വിവിധ നഗരങ്ങളിൽ ഹാൻഡ്​ വാഷിൻെറ വിൽപന ഫെബ്രുവരിയിൽ ഉയർന്നിരുന്നു. കേരളത്തിൽ കൊറോണ റിപ്പോർട്ട്​ ചെയ്​തതുമുതലായിരുന്നു അത്​. റീ​ട്ടെയിൽ കടകൾക്ക്​ പു​​റ​െമ ഓൺലൈൻ വിപണന കേന്ദ്രങ്ങളിലും ഇവ ലഭ്യമല്ലെന്നാണ്​ റിപ്പോർട്ട്​. ഡൽഹിയിൽ കൊറോണ വൈറസ്​ റിപ്പോർട്ട്​ ചെയ്യുകയും നോയിഡയിൽ ഒരു സ്​കൂൾ അടച്ചിടുകയും ചെയ്​തതോടെ ഡൽഹിയിലെ വിവിധ ഭാഗങ്ങളിൽ അണുനാശിനികളും മാസ്​കും വൻതോതിൽ വിറ്റുപോയതായും പലയിടങ്ങളിലും ഇവ ലഭ്യമല്ലാതായതായും പറയുന്നു.