കൊറോണ തിരിച്ചടിയായി; മുകേഷ്​ അംബാനിക്കും വൻ നഷ്​ടം

മുംബൈ: ലോകരാജ്യങ്ങളെ പിടിച്ചു കുലുക്കിയ കൊറോണ വൈറസ്​ സാമ്പത്തിക രംഗത്തും പ്രതിസന്ധി സൃഷ്​ടിക്കുന്നു. ഇന് ത്യൻ വ്യവസായ ഭീമൻ റിലയൻസ്​ ഇൻഡസ്​ട്രീസ്​ ചെയർമാൻ മുകേഷ്​ അംബാനിക്ക്​ 5 ബില്യൺ ഡോളറിൻെറ നഷ്​ടമുണ്ടായെന്നാണ്​ കണക്കാക്കുന്നത്​. കൊറോണ ലോകത്തെ പല നഗരങ്ങളിലേക്കും വ്യാപിക്കുന്നുവെന്ന റിപ്പോട്ടുകൾ പുറത്ത്​ വന്നതി​ന്​ പിന്നാലെ വിവിധ രാജ്യങ്ങളിലെ ഓഹരി വിപണികളിൽ വൻ ഇടിവ്​ രേഖപ്പെടുത്തിയിരുന്നു. ഇതാണ്​ അംബാനിക്കും ഇപ്പോൾ തിരിച്ചടിയാകുന്നത്​​.

ആദിത്യ ബിർള ഗ്രൂപ്പ്​ ചെയർമാൻ കുമാർ മംഗലം ബിർളക്ക്​ 884 മില്യൺ ഡോളറും, ഐ.ടി ഭീമൻ അസിം പ്രേംജിക്ക്​ 869 ​മില്യൺ ഡോളറും, ഗൗതം അദാനിക്ക്​ 496 മില്യൺ ഡോളറിൻെറ നഷ്​ടവുമാണ്​ രേഖപ്പെടുത്തിയത്​. ഉദയ്​ കൊട്ടക്​, സൺഫാർമയുടെ ദിലീപ്​ സാംഘ്​ തുടങ്ങിയവർക്കും നഷ്​ടമുണ്ടായി.

കമ്പനികളുടെ ഓഹരി വിലയിലുണ്ടായ കുറവ്​ തന്നെയാണ്​ ഉടമകർക്കും തിരിച്ചടിയായത്​. ​ഫെബ്രുവരി 12 മുതൽ 11.52 ലക്ഷം കോടിയാണ്​ നിക്ഷേപകർക്ക്​ വിപണിയിൽ നിന്ന്​ നഷ്​ടമായത്​.