കോവിഡ്​ 19 - തകർന്നടിഞ്ഞ്​ വിമാന സർവിസ്​, ഹോട്ടൽ, ടൂറിസം മേഖലകൾ

ന്യൂഡൽഹി: രാജ്യ​െത്ത എല്ലാ അതിർത്തികളും അടക്കുകയും വിസകളെല്ലാം റദ്ദാക്കുകയും ചെയ്​തതോടെ തകർന്നടിഞ്ഞ്​ ഹേ ാട്ടൽ, ടൂറിസം, വിമാനസർവിസ്​ മേഖലകൾ. വിവിധ രാജ്യങ്ങളിൽനിന്നുള്ള യാത്രക്കാർക്ക്​ വിലക്കേർപ്പെടുത്തിയതാണ്​ ഈ മേ ഖലകളെ കനത്ത പ്രതിസന്ധിയിലാക്കാൻ കാരണം. കോവിഡ്​ 19​​െൻറ പശ്ചാത്തലത്തിൽ ജനങ്ങളോട്​ പരമാവധി യാത്ര ഒഴിവാക്കണമെ ന്നായിരുന്നു മിക്ക രാജ്യങ്ങളുടെയും നിർദേശം. സഞ്ചാരികളെല്ലാംതന്നെ ഇതോടെ സ്വന്തം രാജ്യങ്ങളിൽതന്നെ കഴിയാൻ നി ർബന്ധിതരായി.

ഇന്ത്യയുടെയും കേരളത്തി​​​െൻറയും പ്രധാന വരുമാന മാർഗങ്ങളിലൊന്നാണ്​ ടൂറിസം. ഏറ്റവുമധികം പ്ര തിസന്ധി നേരിടുന്നതും ഈ മേഖല തന്നെ. 2019ൽ ഏകദേശം 10.89 മില്ല്യൺ വിനോദ സഞ്ചാരികൾ ഇന്ത്യ സന്ദർശിച്ചിരുന്നു. 2018 വർഷ​ത്തെ അപേക്ഷിച്ച്​ 3.1ശതമാനം വർധനയായിരുന്നു അത്​. അതിൽതന്നെ 1.74 മില്ല്യൺ സഞ്ചാരികൾ ഇന്ത്യ സന്ദർ​ശിച്ചത്​ മാർച്ച്​, ഏപ്രിൽ മാസങ്ങളിലായിരുന്നു. എന്നാൽ ഏപ്രിൽ 15 വരെ ഇന്ത്യ വിസ റദ്ദാക്കിയത്​ ഈ മേഖലക്ക്​ തിരിച്ചടിയായി. ഈ വർഷം ജനുവരിയിൽ 1.12 മില്ല്യൺ സഞ്ചാരികൾ ഇന്ത്യ സന്ദർ​ശിച്ചിരുന്നു. അതിൽ 7,95,863 പേർ മറ്റു ഏഷ്യൻ രാജ്യങ്ങളിൽനിന്നും യൂ​േറാപ്പിൽനിന്നും എത്തിയവരായിരുന്നു. കോവിഡ്​ 19 ഏറ്റവുമധികം ബാധിച്ചതും ഏഷ്യൻ, യൂറോപ്യൻ ഭൂഖണ്ഡങ്ങളെയാണ്​.

കോവിഡ്​ 19 ബാധയെത്തുടർന്ന്​ മിക്ക വിമാന കമ്പനികളും പ്രതിസന്ധിയിലായി. വിമാന സർവിസുകൾ നിർത്തിവെക്കാനാണ്​ മിക്ക കമ്പനികളും നിർബന്ധിതരാകുന്നത്​. അടുത്ത ദിവസങ്ങളിലെ യാത്രക്കാരുടെ എണ്ണം കണക്കിലെടുത്ത്​ വിമാനം സർവിസ്​ നട​ത്തണോ വേണ്ടയോ എന്നു തീരുമാനിക്കാനിരിക്കുകയാണ്​ എയർലൈൻ കമ്പനികൾ. കോവിഡ്​ 19 ഏറ്റവുമധികം പടർന്നുപിടിച്ച രാജ്യങ്ങളിൽനിന്നുള്ളവർക്ക്​ ഇന്ത്യ വിലക്ക് ഏർപ്പെടുത്തിയതും തിരിച്ചടിയായി.

ഇന്ത്യൻ എയർലൈൻസുകളിൽ എയർ ഇന്ത്യക്കാണ്​ ഏറ്റവുമധികം നഷ്​ടം നേരിട്ടത്​. കഴിഞ്ഞവർഷം ഏപ്രിൽ- ജൂൺ മാസങ്ങളിൽ ​1.80 മില്ല്യൺ അന്താരാഷ്​ട്ര യാത്രക്കാരാണ്​ എയർ ഇന്ത്യയെ പ്രയോജനപ്പെടുത്തിയത്​. മാർച്ച് പകുതിമുതൽ ഏപ്രിൽ പകുതിവരെ പരീക്ഷ കാലമായതിനാൽ പൊതുവെ യാത്രക്കാരുടെ എണ്ണം ഈ സീസണിൽ കുറവായിരിക്കും. അതിനൊപ്പം കൊറോണ കൂടി എത്തിയതോടെ യാത്രക്കാരുടെ എണ്ണം വീണ്ടും കുറയുകയും പലപ്പോഴും വിമാനസർവിസ്​ റദ്ദാക്കേണ്ട സ്​ഥിതിയും വന്നു.

ഇന്ത്യയുടെ ആഭ്യന്തര സർവീസുകൾ കൈകാര്യം ചെയ്​തിരുന്ന ഇൻഡിഗോ വിമാന കമ്പനിയും കനത്ത തിരിച്ചടി നേരിടുന്നുണ്ട്​. ഇന്ത്യയിലെ ജനങ്ങൾ വേനൽക്കാല അവധി ആഘോഷിക്കാനായി വിമാനടിക്കറ്റ്​ ബുക്ക്​ ചെയ്​തിരുന്ന സമയമാണിത്​. എന്നാൽ ഈ വർഷം ​വിമാന ടിക്കറ്റ്​ നിരക്ക്​ കുറച്ചിട്ടും യാത്രക്കാർ ആകൃഷ്​ടരാകു​ന്നില്ലെന്നതാണ്​ വാസ്​തവം.

രാജ്യത്തിനകത്ത്​ തന്നെ ജനങ്ങൾ സഞ്ചരിക്കാൻ മടിക്കുന്നതിനാൽ ഹോട്ടൽ ബുക്കിങ്ങുകളിലും വൻ ഇടിവാണ്​ രേഖപ്പെടുത്തിയത്​. വി​േദശികൾക്ക്​ പുറമെ സ്വദേശികളും യാത്രചെയ്യാൻ മടിക്കുന്നതാണ്​ ഇതിനു കാരണം. വേനൽ അവധി ആകാറായിട്ടും ബുക്കിങ്ങുകൾ നടക്കുന്നില്ലെന്ന്​ ഹോട്ടൽ ബിസിനസുകാരും പറയുന്നു.