ബാങ്കിങ്​ ഇതര ധനകാര്യ സ്ഥാപനങ്ങളിൽ പ്രതിസന്ധി രൂക്ഷം; ആശങ്കയോടെ നിക്ഷേപകർ

ന്യൂഡൽഹി: രാജ്യത്തെ ബാങ്കിങ്​ ഇതര ധനകാര്യസ്ഥാപനങ്ങളിലെ പ്രതിസന്ധി കൂടുതൽ രൂക്ഷമാകു​ന്നു. ധനപ്രതിസന്ധി, തട്ട ിപ്പുകൾ തുടങ്ങി നിരവധി പ്രശ്​നങ്ങളാണ്​ മേഖലയിൽ നില നിൽക്കുന്നത്​. പൊതുമേഖല സ്ഥാപനങ്ങൾക്ക്​ സമാനമായി കിട്ടാ കടവും ബാങ്കിങ്​ ഇതര ധനകാര്യ സ്ഥാപനങ്ങളുടെ പ്രതിസന്ധിക്കുള്ള കാരണമാണ്​. ധനകാര്യസ്ഥാപനങ്ങൾ പ്രതിസന്ധിയിലാവു​ േമ്പാൾ ഇത്തരം കമ്പനികളിൽ നിക്ഷേപം നടത്തിയവരും ആശങ്കയിലാണ്​.

ബാങ്കിങ്​ ഇതര ധനകാര്യസ്ഥാപനമായ ഡി.എച്ച്​.എഫ്​.എല്ലിൻെറ ഓഹരി വിലയിൽ 83 ശതമാനത്തിൻെറ കുറവാണ്​ 2019ൽ രേഖപ്പെടുത്തിയത്​. ഇന്ത്യബുൾസ്​ ഹൗസിങ്​ ഫിനാൻസിൻെറ ഓഹരി വിലയും 40 ശതമാനം കുറഞ്ഞു. ഓഹരി വിപണിക്കൊപ്പം മ്യൂച്ചൽ ഫണ്ടുകളെയും പ്രതിസന്ധി ബാധിച്ചിട്ടുണ്ട്​. പല മ്യൂച്ചൽ ഫണ്ടുകളും ഇത്തരം സ്ഥാപനങ്ങളിൽ നിക്ഷേപം നടത്തിയിട്ടുണ്ട്​. വരും ദിവസങ്ങളിലും പ്രതിസന്ധി രൂക്ഷമായാൽ ഫണ്ട്​ മാനേജർമാർക്ക്​ മാറി ചിന്തിക്കേണ്ട സാഹചര്യം ഉണ്ടാകും.

നിലവിലെ സാഹചര്യത്തിൽ ബാങ്കിങ്​ ഇതര ധനകാര്യ സ്ഥാപനങ്ങളിലെ ഓഹരികളിൽ ഇനി നിക്ഷേപം നടത്തരുതെന്നാണ്​ വിപണി വിദഗ്​ധർ നൽകുന്ന ഉ​പദേശം. ഇത്തരം സ്ഥാപനങ്ങളിൽ നിക്ഷേപിച്ച പണം പിവലിക്കണമെന്നും ഉപദേശമുണ്ട്​. ബാങ്കിങ്​ ഇതര ധനകാര്യ സ്ഥാപനങ്ങളുമായി താരതമ്യം ചെയ്യു​േമ്പാൾ പല സ്വകാര്യബാങ്കുകളും ​മെച്ചപ്പെട്ട പ്രകടനം കാഴ്​ചവെക്കുന്നുണ്ട്​. ഈയൊരു സാഹചര്യത്തിൽ സ്വകാര്യ ബാങ്കുകളേയും നിക്ഷേപത്തിന്​ പരിഗണിക്കാവുന്നത്​.