നോട്ട്​ പിൻവലിക്കൽ ധീരമായ നടപടിയെന്ന് ഗൂഗിൾ സി.ഇ.ഒ

ന്യൂഡൽഹി: കേന്ദ്രസർക്കാറി​െൻറ നോട്ട്​ പിൻവലിക്കൽ നടപടിയെ പ്രകീർത്തിച്ച്​ ഗൂഗിൾ സി.ഇ.ഒ സുന്ദർ പിച്ചെ. രാജ്യത്തെ ഡിജിറ്റൽ ഇടപാടുകൾ വർധിക്കുന്നതിന്​ തീരുമാനം കാരണമാവും. ടൈംസ്​ ഒാഫ്​ ഇന്ത്യ പത്രത്തിന്​ നൽകിയ അഭിമുഖത്തിലാണ്​ അദ്ദേഹം ഇത്ത​രമൊരു അഭിപ്രായ പ്രകടനം നടത്തിയത്​.

ഇന്ത്യയിലെ ജനങ്ങളുടെ കൈവശം മൊബൈൽ ഉൾപ്പടെയുള്ള സംവിധാനങ്ങൾ ഉണ്ട്​. ഇത്​ കൂടുതലായി ഉപയോഗപ്പെടുത്താൻ ഡിജിറ്റൽ ഇടപാടുകൾ വർധിപ്പിക്കുന്നത്​ കൊണ്ട്​ സാധിക്കും. ഡിജിറ്റൽ ഇടപാടുകൾക്കായി ഇന്ത്യ വികസിപ്പിച്ചെടുത്ത യൂണിഫൈഡ്​ പേയ്​മെൻറ്​ ഇൻറർഫേസ്​ സംവിധാനം പല രാജ്യങ്ങളിലും നിലവിലില്ലെന്നും ഡിജിറ്റൽ ഇടപാടുകളിൽ ഇന്ത്യ കൈവരിച്ച പുരോഗതിയെയാണ്​ ഇത്​ സൂചിപ്പിക്കുന്നതെന്നും മെന്നും പിച്ചെ പറഞ്ഞു. ഇൗ വിഷയത്തിൽ ഞാനൊരു വിദഗ്ധനല്ല, എങ്കിലും ഗൂഗിളി​െൻറ ഭാഗത്ത്​ നിന്ന്​ നോക്കു​േമ്പാൾ നോട്ട്​ പിൻവലിക്കൽ ധീരമായ നടപടിയാണെന്ന്​ സുന്ദർ പിച്ചെ പറഞ്ഞു.

കഴിഞ്ഞ വർഷം ഗൂഗിളിന്​ മികച്ച വർഷമായിരുന്നുവെന്നും അദ്ദേഹം പറഞ്ഞു. ഗൂഗിളിന്​ ആർട്ടിഫിഷ്യൽ ഇൻറലിജൻസ്​ ഉൾപ്പെടെയുള്ള സംവിധാനങ്ങളിൽ പ​ുരോഗതി ഉണ്ടക്കാൻ സാധിച്ചു. ഗൂഗിൾ പിക്​സൽ, ഗൂഗിൾ ഹോം, ഗൂഗിൾ അസിസ്റ്റ്​ പോലുള്ള നിരവധി പുതിയ ഉൽപ്പന്നങ്ങൾ കഴിഞ്ഞ വർഷം കമ്പനി അവതരിപ്പിച്ചു. പുതിയ ഉൽപ്പന്നങ്ങൾ വികസിപ്പിക്കാനുള്ള ശ്രമത്തിലാണ്​ ഗൂഗിളെന്നും സുന്ദർ പിച്ചെ കൂട്ടിച്ചേർത്തു.