ഇൗ പ്രതിസന്ധി മറികടക്കാൻ ട്രംപി​െൻറ ആവനാഴിയിലെ അസ്​ത്രങ്ങൾ മതിയാകുമോ?

കോവിഡ്​-19 വൈറസ്​ ബാധയിൽ നിന്നും ലോകം ഇതുവരെ മോചിതമായിട്ടില്ല. പല രാജ്യങ്ങളിലും​ ​കൊറോണ വൈറസ്​ അതി​​െൻറ താണ്ഡവം തുടരുകയാണ്​. എങ്കിലും ലോകം കോവിഡിന്​ ശേഷമുള്ള കാല​ത്തെ കുറിച്ച്​ ഇപ്പോൾ ചിന്തിക്കുകയാണ്​. കോവിഡ്​ സൃഷ്​ടിച്ച ആഘാതങ്ങൾ മറികടക്കാനുള്ള വഴികളാണ്​ ലോകം ആലോചിച്ച്​ തുടങ്ങുന്നത്​. കോവിഡിന്​ ശേഷം ലോകത്ത്​ സാമ്പത്തിക മാന്ദ്യമുണ്ടാകുമെന്നതിൽ ആർക്കും ഇപ്പോൾ തർക്കമില്ല. ​െഎ.എം.എഫ്​ ഉൾപ്പടെയുള്ള ഏജൻസികൾ ഇതുമായി ബന്ധപ്പെട്ട്​ മുന്നറിയിപ്പുകൾ നൽകിയിട്ടുണ്ട്​. മുഡീസ്​ ഉൾപ്പടെയുള്ള റേറ്റിങ്​ ഏജൻസികൾ ലോകത്തെ മിക്ക രാജ്യങ്ങളുടെയും വളർച്ചാ നിരക്ക്​ കുറയുമെന്ന്​ പ്രവചിച്ചിട്ടുണ്ട്​​. കോവിഡിന്​ ശേഷമുണ്ടാവുന്ന പ്രതിസന്ധി മറികടക്കാൻ ലോകത്തെ എല്ലാ രാജ്യങ്ങളും രക്ഷാപാക്കേജുകൾ പ്രഖ്യാപിക്കുന്ന തിരക്കിലാണ്​.

ലോകത്തെ സമ്പദ്​വ്യവസ്ഥയെ സ്വാധീനിക്കുന്ന രണ്ട്​ രാജ്യങ്ങൾ അമേരിക്കയും ചൈനയുമാണ്​. ഇൗ രാജ്യങ്ങളിലെ സമ്പദ്​വ്യവസ്ഥകളിലുണ്ടാവുന്ന സംഭവങ്ങൾ ആഗോള സാമ്പത്തിക രംഗത്തേയും സ്വാധീനിക്കും. പ്രതിസന്ധി മറികടക്കാനായി​ രണ്ട്​ ട്രില്യൺ​ ഡോളറി​​െൻറ പാക്കേജാണ്​ യു.എസ്​ പ്രസിഡൻറ്​ ഡോണൾ​ഡ്​ ട്രംപ്​ പ്രഖ്യാപിച്ചത്​. പാക്കേജ്​ പ്രഖ്യാപനത്തിന്​ ശേഷം ഉയർന്നു വരുന്ന പ്രധാന ചോദ്യം പുതിയ പാക്കേജ്​ യു.എസി​നെ മാന്ദ്യത്തിൽ നിന്നും രക്ഷിക്കുമോയെന്നതാണ്​. ലോകത്തെ സാമ്പത്തിക വിദഗ്​ധരിൽ പലരും അഭിപ്രായപ്പെടുന്നത്​ മാന്ദ്യത്തിൽനിന്ന്​ അമേരിക്കൻ സമ്പദ്​വ്യവസ്ഥയെ രക്ഷിക്കാൻ പാ​ക്കേജ്​ മതിയാവില്ലെന്നാണ്​. ഇതിനൊപ്പം 2008ൽ ആഗോള സാമ്പത്തിക പ്രതിസന്ധിയുണ്ടായപ്പോൾ യു.എസ്​ അവതരിപ്പിച്ച രക്ഷാപദ്ധതികളേക്കാൾ മെച്ചമാണ്​ പുതിയ പാക്കേജെന്നും അഭിപ്രായമുയർന്നിട്ടുണ്ട്​.

കോവിഡ്​-19 സമ്പദ്​വ്യവസ്ഥകളിൽ എത്രത്തോളം ആഘാതമുണ്ടാക്കുമെന്ന്​ ഇപ്പോൾ പറയാറായിട്ടില്ല. വൈറസ്​ ബാധമൂലം എതാണ്ട്​​ 14 രാജ്യങ്ങൾ പൂർണ്ണമായും അടച്ചിട്ട നിലയിലാണ്​. ചൈനയിൽ പല പ്രദേശങ്ങളും അടച്ചിട്ടിട്ടുണ്ട്​. 13 രാജ്യങ്ങൾ ഭാഗികമായി ക്ലോസ്​ ചെയ്​തു. എതാണ്ട്​ എല്ല രാജ്യങ്ങളും അതിർത്തികൾ അടച്ചു. അത്യാവശ്യ കാര്യങ്ങൾക്കല്ലാതെയുള്ള യാത്രകൾ ഒഴിവാക്കണമെന്നാണ്​ ഇ.യു നിർദേശം​. ലോകജനസംഖ്യയുടെ 35 ശതമാനവും ഇപ്പോൾ ലോക്​ഡൗണിലാണ്​. മാർച്ച്​ 24ലെ കണക്കുകൾ പ്രകാരം 20 ശതമാനം ജനങ്ങൾ മാത്രമായിരുന്നു ലോക്​ഡൗാണിലുണ്ടായിരുന്നത്​. ഇന്ത്യകൂടി നിയന്ത്രണങ്ങൾ പ്രഖ്യാപിച്ചതോടെ ഇത്​ കുത്തനെ ഉയരുകയായിരുന്നു.

ലോക്​ഡൗണിലുള്ള ജനങ്ങൾ അവരുടെ ചെലവ്​ ഗണ്യമായി വെട്ടിക്കുറക്കുന്ന സാഹചര്യമാണ്​ ഉണ്ടാവുക. ഇത്​ സമ്പദ്​വ്യവസ്ഥയിൽ സാധനങ്ങളും സേവനങ്ങളും വിറ്റഴിക്കാത്ത അവസ്ഥയുണ്ടാക്ക​ും. ലോക്​ഡൗൺ ഇല്ലാത്ത രാജ്യങ്ങളിലെ കമ്പനികളെ പോലും ഇത്​ ബാധിക്കും. തൊഴിലാളികൾക്ക്​ വേതനം ലഭിക്കില്ല. പ്രാദേശിക തലത്തിലെ ​കടകൾ മുതൽ മദ്യഷോപ്പുകൾ വരെ ഇതി​​െൻറ ആഘാതം അനുഭവിക്കും. ഉൽപന്നങ്ങളുടെ വിൽപനയിൽ കുറവുണ്ടാകു​േമ്പാൾ സർക്കാറി​​െൻറ നികുതി ലഭ്യതയും കുറയും. ഇത്​ മൂലം ജീവനക്കാർക്കൊന്നും ശമ്പളം ലഭിക്കാത്ത സാഹചര്യവുമുണ്ടാകും. ഇത്​ ക്രമേണ ആഗോള സാമ്പത്തിക മാന്ദ്യത്തിലേക്ക്​ ലോകത്തെ നയിക്കും. ഇതി​​െൻറ ആദ്യ ലക്ഷണങ്ങളാണ്​ ഇപ്പോൾ സമ്പദ്​വ്യവസ്ഥകളിൽ പ്രകടമാവുന്നത്​.

യു.എസിലെ പല ബിസിനസുകളുടേയും ​ലാഭം 6.53 ശതമാനം മാത്രമാണ്​. ധനകാര്യ വ്യവസായങ്ങൾ മാത്രമാണ്​ ഇതിനൊരു അപവാദം. പല സെക്​ടറുകളിലും ഒന്നു മുതൽ നാല്​ ശതമാനം വരെ മാത്രമാണ്​ ലാഭം. ​ഒരു ചെറിയ തിരിച്ചടി ​പോലും ഇത്തരം സെക്​ടറുകളെ ഗുരുതരമായി ബാധിക്കും. ഇത്രയും വലിയൊരു അടച്ചിടൽ വലിയ പ്രത്യാഘാതമായിരിക്കും യു.എസ്​ സമ്പദ്​വ്യവസ്ഥയിൽ ഉണ്ടാക്കുക. അടച്ചിടൽ എത്രകാലം തുടരുമെന്നതിലും ഇപ്പോഴും വ്യക്​തത വന്നിട്ടില്ല. കോവിഡ്​ വന്നതോടെ മെഡിക്കൽ രംഗത്തും വൻ തുക ചെലവഴിക്കേണ്ട സാഹചര്യവും ഉണ്ടാവും. ഇതെല്ലാം യു.എസ്​ സമ്പദ്​വ്യവസ്ഥയെ തകർത്തെറിയാൻ വഴിയൊരുക്കിയേക്ക​ും​.

ട്രംപി​​െൻറ പാക്കേജ്​ പ്രകാരം 500 ബില്യൺ ഡോളറി​​െൻറ വായ്​പകളും മറ്റ്​ ആനുകൂല്യങ്ങളും വൻകിട കമ്പനികൾക്ക്​ നൽകും. വ്യോമയാന മേഖലക്കായി 62 ബില്യൺ ഡോളർ നൽകു​​േമ്പാൾ ചെറുകിട വ്യവസായങ്ങൾക്കായി 350 ബില്യൺ ഡോളറാണ്​ നീക്കിയിരിപ്പ്​. 1200 ഡോളർ മധ്യ-താഴ്​ന്ന വരുമാനക്കാർക്ക്​ നേരിട്ട്​ നൽകു​മെന്നാണ്​ പ്രഖ്യാപനം. ആശുപത്രികൾക്കായി 117 ബില്യൺ ഡോളറാണ്​ മാറ്റിവെച്ചിരിക്കുന്നത്​. തൊഴിലില്ലായ്​മക്കുള്ള ഇൻഷൂറൻസിന്​​ 600 ഡോളറും മാറ്റിവെച്ചിട്ടുണ്ട്​.

ഒബാമ 2008ൽ ആഗോള സാമ്പത്തിക പ്രതിസന്ധിയുണ്ടായപ്പോൾ അവതരിപ്പിച്ചതിലും വലിയ രക്ഷാപദ്ധതിയാണ്​ ട്രംപി​േൻറത്​. ആ രീതിയിൽ നോക്കു​േമ്പാൾ ട്രംപി​േൻറത്​ ഒബാമയേക്കാളും മെച്ചമുള്ള പാക്കേജാണ്​. പക്ഷേ, കോവിഡ്​-19​​െൻറ ആഘാതം പൂർണമായും വിലയിരുത്താതെയാണ്​ ട്രംപി​​െൻറ പാക്കേജ്​ എന്നത്​ പോരായ്​മയാണ്​. 2008ൽ സാമ്പത്തിക പ്രതിസന്ധിയെ മാത്രം യു.എസിന്​ അഭിമുഖീകരിച്ചാൽ മതിയായിരുന്നു. എന്നാൽ, ഇ​തിനൊപ്പം ആരോഗ്യരംഗത്തെ പ്രതിസന്ധിയെ കൂടി ട്രംപിനും കൂട്ടർക്കും പരിഗണിക്കണം. അത്​ തന്നെയാണ്​ അവർക്ക്​ മുന്നിലുള്ള ഏറ്റവും വലിയ വെല്ലുവിളിയും.

കോവിഡ്​ വ്യാപനത്തിന്​ മുമ്പ്​ തന്നെ യു.എസ്​ സമ്പദ്​വ്യവസ്ഥയുടെ സ്ഥിതി അത്ര മെച്ചമല്ല. എല്ലാ മേഖലകളിലും തിരിച്ചടി നേരിടുകയാണ്​. ഇതിന്​ പുറമേയാണ്​ കോവിഡും വില്ലനാകുന്നത്​​. ഇൗയൊരു സാഹചര്യത്തിലാണ്​ ട്രംപി​​െൻറ പാക്കേജ്​ എത്തുന്നത്​. യു.എസിൽ പിടിമുറുക്കുന്ന സാമ്പത്തിക മാന്ദ്യം മറികടക്കാൻ പാക്കേജിന്​​ കഴി​യുമോയെന്നതാണ്​ എല്ലാവരും ഉറ്റുനോക്കുന്നത്​.

അതേസമയം, രാഷ്​ട്രീയപരമായുള്ളൊരു മാറ്റം ട്രംപി​​െൻറ പാക്കേജിൽ കാണാം. നിങ്ങളെ സഹായിക്കാനായി സർക്കാർ ഒപ്പമുണ്ടെന്ന സന്ദേശം ട്രംപി​​െൻറ പാ​േക്കജ്​ നൽകുന്നുണ്ട്​. സർക്കാറിന്​ മാത്രമേ ഞങ്ങളെ സഹായിക്കാനാവു എന്നൊരു ബോധ്യം ജനങ്ങൾക്കും വന്നു തുടങ്ങിയിട്ടുണ്ട്​. വിപണി തന്നെ പ്രശ്​നങ്ങൾ പരിഹരിക്കുകയെന്ന മുതലാളിത്തത്തി​​െൻറ പതിവ്​ രീതികൾക്ക്​ മാറ്റം വരുന്നു എന്നതി​​െൻറ വ്യക്​തമായ സൂചനയാണിത്​.​ ഇത്​ മാത്രമാണ്​ ട്രംപി​​െൻറ പാക്കേജി​​െൻറ ഏക പോസിറ്റീവ്​ വശം. അതിന്​ അപ്പുറത്തേക്ക്​ യു.എസിനെ ബാധിക്കുന്ന മാന്ദ്യത്തെ മറികടക്കാൻ ട്രംപ്​ മുന്നോട്ട്​ വെച്ച പാക്കേജിന്​ സാധിക്കുമോയെന്ന കാര്യം സംശയമാണ്​.